Shillong, Nailar 17: Ka KSU Mawlai Circle ha ryng
kat ka jingsynran lang jong ki dkhot jong ka KSU Mawlai Mawiong Umjapung Unit haka mynta ka sngi kila leit ban ai jingiarap iaki ar tylli ki long îing kiba don ha Mawlai Mawiong Umjapung kiba la shah ktah na ka jingtwa khyndew.
Kia r tylli ki long iing kiba la shah ktah ha kane ka jinglynshop jong ka mariang ki long ka iing jong ka kong Tiewris Kharjarin kaba la jia haka 09/08/18 bad kawei pat kadei ka îing jong ka Kong Emina Jyrwa bad u Bah Edmund Kharnaior kaba la jia haka 12/08/18.
Ha kane ka sngi kiba la ia don lang ki long u Bah Bah Anthony Kharkongngor u ba dei u Rangbah Shnong jong ka Shnong Mawlai Mawiong Umjapung.Ha shwa ban aiti ia kitei ki jingiarap sha kitei ki long iing la sdang shwa da ka jingialang kaba lyngkot,ia katei ka jingialang la pyniaid da u Samla Antonio Warjri u ba dei u General Secretary jong ka KSU Mawlai Mawiong Umjapung Unit.
Ha kane ka jingialang u Rangbah Shnong iba la pynpaw ia ka jingsngew kmen ba na ka liang jong ka Seng kala kloi ban kner iala ka jong ka kti ban ia tynrong lang katba ki lah ei ban iarap ia kitei ki long iing,u la bynrap ba kam da shong eh tang kaba ai jingiarap hynrei kum ka Jaidbynriew dei ban don ruh ka mynsiem sngewlem.
La ong, kumba ka long mynta ka mynsiem sngewlem kala duna bha kum ka Jaidbynriew, kumta u la kyntu ruh ia kiwei ki para Seng bhalang ba kin long kiba kloi ban kner iala ki kti bad ban don ka mynsiem sngewlem haba ki para Jaidbynriew ki ia kynduh ia kino kino ki jingeh.
Khatduh la ioh iaka jingkren na u Samla Rapborlang Nongrum u ba dei u General Secretary jong ka KSU Mawlai Circle ha kaba u la ong ba jingsngew nguh ka leit nyngkong sha u Blei uba la iada ia ki Mynsiem ba kordor jong kito kiba sah ha kitei ki ar tylli ki îing,hooid ka long kaba pangnud ban iohi iala ki îing ba kin jot kin pra hynrei ia kine kiei kiei ngi dang lah ban ioh pat ne ban dang shna biang la kan shim por ruh hynrei ki dei ban long kiba iaishah,naka liang jong utei u nongialam ula kyntu ruh iaka ophis jong u BDO ba kin pynsted iaki lad ai jingiarap kiba kitei ki longiing ki dei hok ban ioh haba ia kynduh ia kum kitei ki jingshah lyngshop haki bor ka Mariang.
Ha kane ka sngi naka liang jong kitei ki ar tylli ki long iing kila pynpaw ia ka jingsngewnguh iaka KSU Mawlai Circle kiba la kynmaw lang ia ki haba ki ia shem ia kum kitei ki jingjia kiba ym shym poi pyrkhat bad ha kajuh ka por kila kitbok kitrwiang ruh iaka Seng ba kan nang kiew haki kam jong ka kiba manla ka sngi ha kaban ai jingshakri iaki nongshong Shnong jong ka Shnong Mawlai bad khamtam ia u Paid ka Bri u Hynniew Trep hi baroh kawei la ong u samla MacDonald Jitem Publicity Secretary KSU Mawlai Circle.
