Shillong, Nailur 30: Ka skul bah Martin Luther Christian University (MLCU) lyngba ka shnat pule ‘Allied Health Sciences’, ha ka sngi Saitjain kala pynlong ia ka jingai jingsumar ei hapoh ka shnong Nongrim-Nongladaw ha jan Bhoi Rymbong kaba hap hapoh jong ka Ri Bhoi District.
Ha kane ka jingai jingsumar ei ia ki paidbah kitei ki shnong la leh ha ka jingiadon lang ki Doktor bad ia ka jingtest snam la leh da ki samla pule jong kane ka skul bah. Baroh kiba la ioh ia ka jingiarap na kane ka jingai dawai ei ki long kumba 200 ngut ki briew na ki 120 tylli ki long iing ha kitei ki ar tylli ki shnong.
Ia kane ka jingai dawai ei la leh kum shibynta na ka jingrakhe ia u bnai pynbiang jingbam , ia kane ka jingai dawai ei la kyrshan da ka “Children’s Hospital, Shillong, Pohkseh” ha kane ka jingai dawai ei la pyni paidbah ruh ia ka rukom bam kumno ba ki khynnah kin ioh ia ka bam ba tei met.
