Jowai, Kyllalyngkot, 02: Ka AJYWO Central Body ha u kyrwoh khubor ba la pyllait da u Bah M H Dkhar, President jong ka seng, ka seng ka ai khublei Snem Thymmai Basuk Bakmen ia baroh ki khun ki hajar jong ka Ri Jaiñtia bad ruh jong ka Bri u Hynniewtrep hi baroh kawei.
Ka AJYWO ka kitbok kitrwiang ia ka Ri bad ka Jaidbynriew, bad ruh ka duwai kyrpad ruh ia u Blei Trai Kynrad, Nongbuh Nongthaw ba un theh ia ki jingkyrkhu ia ka Ri bad ka Jaidbynriew baroh kawei ba kan shait kan khiah krat, kan im suk im saiñ, kan roi kyrhai bad kiew irat ha baroh ki liang ha u ne u snem ba mynta.