Shillong, Rymphang 09: Mynta ka sngi kumba la bethah da ka iing bishar kaba ha khliehdhuh jong ka Ri India, u Commission jong ki pulit jong ka nongbah Kolkatta u Rajeev Kumar u la wan sha Shillong ban shah tohkit ha ka CBI halor ka jingshah kynnoh ba ia dei bad ka “Saradha Chit Fund”.
Na ka liang jong u tei u heh pulit jong ka nongbah Kolkatta u la poi sha ka ophis jong ka CBI kaba don ha Oakland ha ka por 10.45 baje mynstep bad ka jingthohkit kala iaid naduh katei ka por haduh ka por 7.15 baje mynmiet, ka jingtohkit kala long haduh phra kynta.
Na ka liang jong ki heh jong ka CBI kiba la wan na Delhi bad kum juh na ka liang jong u tei u heh pulit ne u muktiar jong u u ba la wan lang u Biswajit Deb kim shym la kren ei ei sha ki nongthoh khubor ha kaba ia dei bad kane ka jingtohkit, hynrei na kane ka jingdon jong u tei u heh pulit ha kane ka nognbah Shillong kala paw u ia treilang bad ki heh jong ka CBI.
Kane ka jingwanrah ia une u heh pulit jong ka nongbah Kolkatta sha Shillong ban tohkit halor kane ka jingshah kynnoh ka long ba ka CBI kam shym la ioh lad ban tohkit ia u hapoh kolkatta namar kala don ka jingpyrshah na ka myntri rangbah ka jylla West Bengal.
