Shillong, Rymphang 09: Ka “National Genenral Body Meeting” jong ka party NPP kala long ha Shillong mynta ka sngi ha kaba u Cornad K Sangma u la shah jied biang kum u National President jong ka party na ka bynta lai snem kata 2019-2022.
Ha kane ka jingialang jong ka party NPP mynta ka sngi kila ia kren halor kane ilekshon sha ka iing dorbar bah jong ka Ri India kaban long mynta u snem ba kumno kum ka party kan leh na ka bynta kane ka MP ilekshon kaba la don ha khmat mynta.
Ka party NPP kan pynieng baroh 24 tylli ki MP konstitwensi ha kane ka dong shatei lam mih ngi jong ka Ri india bad ha ka MLA ilekshon hapoh jong ka jylla Arunachal Pradesh kin buh kyrtong ha baroh 60 tylli ki konstitwnesi.
Ha ka juh ka por kane ka jingialang kala rai mynta ka sngi ba lada ka sorkar NDA ha Delhi ka pdiang ia ka Citizenship Amendment Bill, 2016, ka party NPP kan weng noh ia lade na ka jingiadei bad ka NDA ha Delhi.
Ha kane ka jingialang la rai ban pynkhlain ia ka party NPP ha baroh ki jylla bad na ka bynta ka jylla Assam ka party kan sa plie ha ka 17 tarik mynta u bnai ia ka party. Ha kane ka sngi kiba la ia don lang ki long u Bah Prestone Tynsong, Joykumar Singh Yumnam, Dr. DD Lapang, James Sangma, Dr. Lalrintluanga Jahau, Sashank Gataraj Sonelal Kol, Inder Bahadur Pandey, S.K. Sarkar, kine baroh kila pynpaw ia ka jinglong jingman jong ka party ha la ki jong ki jong ki jylla.
