New Delhi, Iaiong 10: Ha kaba iadei bad ki jinglehkmen ba hap ha u bnai Iaiong 2020, ka tnad ki kam pohiing jong ka Sorkar 
Pdeng ka la bthah ia baroh ki Jylla bad ki Union Territory ban pynthikna ka jingbud pyrkhing ia ki sien jam jong ka pakhang shnong ban ia khun ia ka jingpang COVID-9 bad ban nym shah ia kino kino ki jingialang ha shnong ha thaw, ki jingialang niam ne jingiaid paidbah.
Ka jingpynbna ba la pynmih ka la pyntip sha ki bor pyniaid District bad ki ki kynhun trei kam halor kitei ki jingpyrkhing ba la kdew ha ki Jingbthah halor ki sienjam jong ka pakhang shnong bad kidei ban shim baroh ki lad jingiada ban pynneh ia ka shongsuk shongsain ha ka imlang sahlang.
Dei ban pynneh ruh ia ka jingpeitngor ha ka social media pyrshah ia ka kiba pynsaphriang ia kino kino ki khubor kiba long pyrshah, la bynrap ka jingpynbna.
Ka jingpynbna ka la kyrpad shuh shuh ba dei ban pynsaphriang ia ki kyndon jong ki jingbthah khnang ba ki bor pyniaid shnong, ki kynhun Balang, ki kynhun ba khmih ia ka imlang sahlang bad ki nongshong shnongkin ioh jingtip.
Ka la bynrap ruh ba lada don kiba pynkhein ia kano kano ka sienjam jong ka pakhang shnong, yn pynshitom katkum ki kyndon jong ka Disaster Management Act 2005 bad IPC da ki bor ba dei peit ia ka ain.
Ki Ia ki jingbthah halor ki sienjam jong ka pakhang shnong ba dei ban shim da ki Tnad Sorkar Pdeng, ki Sorkar Jylla bad ki Union Territory bad ki bor jong ki Jylla kum juh ki Union Territory ban tehlakam ia ka jingpang COVID-19 ha ka ri la ai jingmut da ka Tnad ki Kam pohiing ha ka 24.03.2020 bad la pynbha shuh shuh ha ka 25.03.2020, 27.03.2020, 02.04.2020 bad 03.04.2020.
Ka kyndon kaba 9 bad 10 jong ka Consolidated Guidelines ka ong ba ym shah ban pynlong kino kino ki jingialang niam khlem kano kano ka jingpyllait bad dei ban khang baroh ki jingialang ha ki shnong ki thaw, ki jingialang niam bad ki jingialum briew.
