Shillong, Jymmang 16: U Bah AL Hek mynta ka tnad ka koit ka khiah jong ka jylla mynta ka sngi u la ong ba ha Meghalaya 90% kin nym ioh jingmyntoi na ka “Credit Linked Subsidy Scheme” kaba dei ka skhim shna iing lada ka jingioh jong ki kan long ha pdeng T.6 lak haduh T.18 lak tyngka.
Haka jingpynbna jong u mytnri rangbah duh jong ka Ri India hapoh kane ka skhim la mang pisa haduh T. 70,000 klur ban iarap ia ki briew ban shna iing, hynrei lada shim ia ka jingioh kaba hynriew lak shi snem 90% na ki paidbah nongshong shnong ka jylla kin nym ioh ia kane ka skhim.
Haba ia dei bad kane ka skhim na ka liang jong BJP Meghalaya State Unit kan sa iakren bad ki nongialam jong ka BJP ha Delhi ban peit ba ia ki kyndon dei ban long katkum ka jinglong jong ka jylla, namar ha Meghalaya kiba bun ka jingioh jong ki kan nym kot sha ka T.50000/- tyngka shibnai.
Na ka liang jong ka party BJP kan sa ia kren bha bad ki nongialam jong ka party ha Delhi ban peit ba kane ka skhim ruh ka dei ban pynioh jingmyntoi ia ki paidbah jong ka jylla Meghalaya, la ong u Bah AL Hek haba kren ha ki lad pathai khubor mynta ka sngi.
