Shillong, Risaw 5: U Symbut myntri rangbah bah Prestone Tynsong u la ong ba ka dei ka jingshisha ba kiba ioh pang COVID-19 kala dang kiew hynrei ka sorkar kam don kano kano ka jingthmu ban khangdam.
Haba kren ha ki lat pathai khubor u la ong ba ka jingkhangdam kam dei ka lat ban weng ia ka jingeh na kane ka khlam bad ka por ka la dei ba ki briew ki hap ban sumar hi da lade ia lade hala shimet shimet.
Ban ialeh pyrshah ia kane ka khlam COVID-19 kam dei tang ka sorkar hynrei ka dei ka jingiatreilang jong baroh kiba kwah ban lait na kane ka jingpang, u symbut myntri rangbah u la kyntu ia ki paidbah ba kin long kiba phikir.