UNew Delhi, K. Lyngkot 11: Myntri Rangbah duh ka ri, u Narendra Modi un ai jingkren ha ka jingialang pynhap pyrda jong ka 2nd National Youth Parliament Festival ha ka 12 tarik Kyllalyngkot, 2021 ha ka por 10:30 mynstep lyngba ka video conferencing. Lai ngut ki lahduh jong kane ka Tamasa kin ioh ruh ban pynpaw ia la ki jingsngew jong ki ha kane ka prokram.
U Shongknor jong ka Lok Sabha, u Myntri ka tnat Pule puthi jong ka sorkar pdeng bad u Myntri khynnah jong ka sorkar pdeng ba dei khmih ia ki kam ialehkai kin iadonlang ha kane ka jingialang.Ka National Youth Parliament FestivalKa jingthmu jong ka National Youth Parliament Festival kalong ban sngap ia ka sur jong ki samla hapdeng ka rta 18 bad ym duna ia ka 25 snem, ki ban iasoh bad ki kam bapher bapher ha ki snem ban wan, ba kynthup ka jingshakri ia ki briew. La pynshong nongrim ia ka National Youth Parliament Festival (NYPF) halor ka jingai jingmut jong u Myntri Rangbah duh ka ri ha ka jingkren jong u ha ka Mann Ki Baat ha ka 31 tarik Nohprah, 2017.
Da ka jingioh mynsiem na kane ka jingai jingmut jong u Myntri Rangbah duh ka ri, la pynlong ia ka NYPF kaba nyngkong ha u 2019 naduh ka 12 tarik Kyllalyngkot haduh 27 tarik Rymphang, 2019 ha ki Distrik, Jylla bad ha ka ri halor ka phang pdeng “Be the Voice of New India and Find solutions and Contribute to Policy”. Baroh ki don 88,000 ngut ki samla kiba la iashim bynta ha kane ka prokram. 56 ngut kiba ioh khusnam ha ki jylla bad 728 ngut ki finalist na 28 tylli ki jylla ki la iashim bynta ha ka National Youth Parliament ha ka 26 tarik Rymphang, 2019 ha New Delhi.
Ha ka 27 tarik Rymphang, 2019, u Myntri Rangbah duh, u Narendra Modi u la pynkup burom ia ki lai ngut ki nongjop ba hakhmat duh jong ka National Youth Parliament Festival, kiba la ioh ruh ka kabu ban iasam ia la ki jingsngew jong ki hakhmat u Myntri Rangbah duh. Khnang ban bteng ia kane kajuh ka mynsiem, ka jingthmu bad ka jingshitrhem, la sdang ia ka 2nd National Youth Parliament Festival 2021 ha ka 23 tarik Nohprah, 2020 lyngba ka bor internet kaba la sakhi da palat 23 Lak ki samla bad ki briew kiba iadon bynta ha kane ka kam ha kylleng ka ri.Hadien kane la bud pat sa ka jingpynlong ia ki District Youth Parliament kaba la pynlong lyngba ka bor internet naduh ka 24-29 tarik Nohprah, 2020. Ha kane pat, ki la don 2.34 lak ki samla (18-25 snem) na 698 tylli ki distrik jong baroh ki jylla bad ki UT ha India kiba la iashim bynta lyngba 150 tylli ki jaka. Hadien kane, la bud pat sa ki State Youth Parliament ba la pynlong lyngba ka bor internet naduh ka 1 -5 tarik Kyllalyngkot, 2021 ha kaba ki nongjop ba wan 1 bad ba 2 na ki distrik ba iashim bynta kiba don haduh 1,345 ngut ki la iashim bynta.
Ha ki District bad State Youth Parliament, ki nongiashim bynta ki la iakren mar 4 minit ha ki phang bapher bapher bad la bishar da san ngut ki nongbishar.Ia ki phainal jong ka National Youth Parliament Festival, 2021 yn sa pynlong ha Central Hall jong ka Parliament ha ka 11 tarik Kyllalyngkot, 2021. 84 ngut ki lahduh na ki Jylla/Union Territory kin ioh ka lad ban iadonlang ha Central Hall jong ka Parlaiment hakhmat u Shongknor ka iing dorbar thawain Lok Sabha, u Deputy Chairman jong ka iing dorbar thawain Rajya Sabha ryngkat bad u Myntri ba dei khmih ia ka Tnat ki kam ialehkai jong ka sorkar pdeng ban ai jingkren hakhmat ki Nongbishar na kylleng ka ri ba kynthup ka Roopa Ganguly, MP Rajya Sabha; u Parvesh Sahib Singh, MP; Lok Sabha bad u Prafulla Ketkar, u nongthoh khubor ba pawkhmat.U Myntri Rangbah duh un ai jingkren ha ka jingialang pynhap pyrda jong National Youth Parliament Festival, 2021 ha ka 12 tarik Kyllalyngkot, 2021.
Ki lai ngut ki nongjop ba hakhmat duh kin ioh ruh ka lad ban ai jingkren hakhmat u Myntri Rangbah duh. U Myntri Rangbah duh un iakren ruh bad ki samla ha kane ka jingialang.Ka National Youth FestivalIa ka National Youth Festival la rakhe man ka snem naduh ka 12-16 tarik Kyllalyngkot. Namar ka 12 tarik Kyllalyngkot kalong ka lyngkhuh sngi kha jong u Swami Vivekananda, la rakhe ia ka kum ka National Youth Day. Mynta u snem, la pynlong ruh ia ka NYPF ryngkat bad ka National Youth Festival.Ka jingthmu jong ka National Youth Festival kalong ban wanrah lang ia ki samla jong ka ri ban pyni ia la ki sap jong ki, ban ai ka rynsan sha ki, da kaba thaw ia ka mini-India. ha kaba ki samla ki lah ban iamir jingmut bad iakylliang ia ki jinglong kyrpang jong ki ha ka imlang sahlang bad ka kolshor. Kalong ruh ban kyntiew ia ka jingiatylli ha ka ri, ka jingiasuk hapdeng ki jaitbynriew bapher, ka jinglong shipara, bad ka jingshlur. Ka thong ba hakhmat eh kalong ban pynsaphriang ia ka mynsiem jong ka Ek Bharat Shreshtha Bharat.Namar ka khlam COVID-19, la pynlong ia ka 24th National Youth Festival lyngba ka bor internet. Ka phang pdeng jong kane ka tamasa mynta ‘YUVAAH – Utsah Naye Bharat Ka’, kaba ai jingmut ia ki samla ban pynkhie im ia ka jingrakhe jong ka India kaba thymmai.
Ia ka jingialang plie pyrda jong ka 24th National Youth Festival bad ka jingialang pynhap pyrda jong ka 2nd National Youth Parliament Festival kin long ha ka 12 tarik Kyllalyngkot, 2021 ha Central Hall of Parliament. Ka jingialang pynhap pyrda ia ka 24th National Youth Festival kan long ha Dr. Ambedkar International Centre, New Delhi ha ka 16 tarik Kyllalyngkot, 2021.
