Shillong, Iaiong 27: Ha ka kyrwoh kaba la phah mynta ka miet sha ki lat pathai khubor na ka liang jong ki pulit kila kila kynnoh ba ka jingiakem ia u samla Osternic Marbaniang 34 snem ka rta ka dei halor ka ejahar kaba la ai ha Shella Police Station bad la kynnoh ba don kti ha ka jingpyniap ia u Ishan Sing bad u Sobir Dutta ha Ichamati.
Ha ka juh ka por na ka liang jong ki pulit ki kyntu ia ki paidbah ba kin pynneh pynsah ia ka shong suk shong sain bad la da don kino kino kiba pynthud ia ka shong suk shongsain kin leh ia kaba don kam katkum ka ain.
Ki pulit ka East Khasi Hills District mynta ka sngi ka 27/ Iaiong/ 2024 ki la leit ban kem sa ia uwei na ki dkhot ka Khasi Student Union u ba na ka shnong Jaiaw u ba dei ruh u dkhot ka CentraL Body ha ka por kumba 3 baje ei ei noh phai sngi. Na ka jingshah kem jong une u dkhot ka KSU la lah ban iohi ba ki dkhot ka seng KSU kila ia poi Sadar Police station.
Kum ban shu pynkynmaw ba ha duh mynta ka jingkem ia ki dkhot ka KSU ka la kiew sha ka 5 ngut bad ia ki ba la kem ha shwa kata 3ngut ki pulit ki kem na ka jingsuba donkti jong ki bad ka jingjia pyniap klep ia ki arngut ki bar Jylla kata ha Ichamati ia ka ba la jia ha ka 27 tarik u Lber 2024 bad u wei pat ba la shah kem ka dei halor ka jingjia shah pyniap u wei u bar jylla u ba dei u nongtrei iing ia ka ba la jia ha Mawlai Mawroh ha ka 10 tarikmu Iaiong 2024.
