Shillong, Jymmang 09: Ka Jaintia Student Union (JSU ) haryngkat ki samla ki ba ia khun ia ka Eksamin National Eligibility cum Entrance Test (NEET) Exam ia ka ba la pynlong ha ka 5 tarik u Jymmang 2024 ha poh ka St Mary Mazzarello Girls Hr Sec School mynta ka sngi ka 9 tarik u Jymmang ki la wan ban dawa na u Rakkam Sangma u Myntri ba dei khmieh ia ka tnad Pule Puthi ka sorkar Jylla ba u dei ban tuklar halor katei ka eksamin ban pynlong da kawei pat.
Kane ka jingwan dawa jong ki samla pule ki ba thoh ia ka NEET eksamin bad ka JSU ka long hadien ba kine ki samla ki ba ia khun ia ka NEET Eksamin ki ba don palat ia ka 400 ngut ki la ioh ia ki ar thup ki jingkylli kata ka ba nyngkong ka M,N,O,P bad ka ba Ar pat ka Q,R,S,T.
Hadien ba ki la thoh kumba kato katne por ia ki jingkylli na ka M,N,O,P la wan kinbor pyniaid eksamin ki ba la pynsangeh bad ai pat dakawei ka thup jingkylli na ka Q,R,S,T bad ong ba ki jingkylli ki ba ki ai nyngkong kim dei satia bad kumta ki khynnah ki la shu pynlutkai ia ka por.
Ha ia kren bad kine ki samla na ka liang u Sneinbha suchiang u la ong ba na ka liang u MYntri u la kular ban ia kren bad u Director jong ka NTA halor kane ka bynta bad ia mynta na ka liang jongki kin danhg iai ap ia ka jingiakren jong ka sorkar bad u director jong ka NTA. Une u samla u la ong ruh ba na ka liang jong ki ki kwah ban na ka liang ka NTA kan pynlongpat ia kane ka eksamin tang ha ki center jong ka Jowai bad Nongpoh.
U samla Sneinbha suchiang u la ongruh ba na buna ki para bai a pynkhreh ia kane ka NEET eksamin ki la pynlut bun kapor ha ka ban pynkhreh ia ka ba la shim por da bun bun snem ha ka ba ki la hap ban leit ia ki Coaching classes bad kiwei kiwei pat khnang ba kin lah ban pass ia kane ka eksamin.
U la ongruh ba bun na ki samla na Jaintia Hills bad na RiBhoi ruh kimjuh ki kyrmen ba kin pass ia kane ka eksam. Une u samla u la ban ruh ba na ka liang ka sorkar ka dei ban shim khia ha ka ba kan ia kren bad ki bor pyniaid jong ka NTA ba ki dei ban pynlong pat da kawei ka eksamin ha kine ki artylli ki center kata ha Jowai bad Nongpoh.
