New Delhi, Jymmang 09: Ka President jong ka Ri India, Droupadi Murmu ka la ai 2 tylli ki khusnam Padma Vibhushan, 9 tylli ki khusnam Padma Bhushan bad 56 tylli ki khusnam Padma Shri na ka bynta u snem 2024 ha ka Civil Investiture Ceremony-II kaba la pynlong ha ka Darbar Hall jong ka Rashtrapati Bhawan mynta ka sngi.
U Vice President jong ka Ri India, Jagdeep Dhankhar, Myntri Rangbah Duh, Narendra Modi, Myntri Sorkar Pdeng ba dei khmih ia ki Tnat Kam Pohiing bad Tnat Cooperation, Amit Shah, ki Myntri Sorkar Pdeng bad ki kynremki lyndanki la iadon lang ha kane ka sngi.
Hadien kane ka Investiture Ceremony, u Myntri Sorkar Pdeng ba dei khmih ia ki Tnat Kam Pohiing bad Tnat Cooperation, Amit Shah bad kiwei kiwei ki Myntri Sorkar Pdeng ki la iakren bad ki nongjop khusnam Padma ha ka prokram ba la pynlong da u Myntri ka tnat Kam Pohiing ha ka iing sah jong u ha New Delhi.
Ki nongjop khusnam Padma kin leitban pyndon burom ha ka National War Memorial lashai mynstep (10 tarik u Jymmang 2024). Kin leitjngoh ruh ia ka Rashtrapati Bhawan bad Pradhanmantri Sangrahalaya.
