Shillong, Jymmang 09: Mynta ka sngi ka seng ki samla pule ka Meghalaya Koch Students’ Union (MKSU) kala pynlong ia ka jingiaid paidbah kaba jar jar ha Ampati jong ka South West Garo Hills District.
Kane ka jingiaid paidbah ka long ban pynrem jur ia ki nongleh beijoat ia ka khynnah ka 16/Iaiong/2024 ha ka tamasa Chenga Benga Mela ha ka shnong Gandhipara kaba don ha jan Garobadha ha kaba ki riew sniew kila leh beijot ia ka khynnah.
Ha kane ka sngi da ki hajar ngut ki briew kila mih ban ia shim bynta da ki bun hajar ngut ha kaba bun ki seng bhalang kila wan ban ia shim bynta kum ka Meghalaya Koch Association, Meghalaya Koch Women’s Association, All A’chik Youth Federation, Meghalaya Hajong Welfare Association, Garo Students’ Union, A’chik Holistic Awakening Movement bad ka Ampati Youth Welfare Organization.
Kane ka jingiaid paidbah da kaba jar jar ban pynrem ia kane ka jingleh ki riew kiba la pynjot ia ka khynnah kala sdang na Ghasura Cultural Centre bad la pynkut ha ophis jong Deputy Commissioner ha Ampati, da ka jingkren na ki nongialam.
Ha kane ka jingialang kila dawa ba dei ban pynshitom ia kito kiba don kti bad ban pynioh ia ka hok jong kato ka khynnah, ha ka juh ka por la dawa ba dei ban pynkhlain ia ki lat jingiada ia ki kynthei khynnah bad ha kane ka sngi la ai ruh ia ka dorkhas sha Deputy Commission jogn ka South West Garo Hills Hema Nayak ha dien ka jingialang.
