Shillong, Iaiong 27: Ka Expert Committee kaba la thung da ka sorkar jylla ban bishar bniah ia ka State Reservation Policy ha ba ia dei bad ka bha kam bhah jam ha ki kam sorkar hapoh ka jinglong shongknor u nongbishar bala shong thiat u Justice (Retd.) Mr. Mool Chand Garg.
Ka jingialang kaba ar sien jong ka Expert Committee kaba la long mynta ka sngi kila pynlong ha Shillong bad ha kane ka jingialang la don lang ki ophisar na ka tnad Personnel jong ka sorkar Meghalaya.
Ha kane ka jingialang kaba la long mynta ka sngi la shim ia ka rai ban pynmih ia ka jingpynbna paidbah, ha kaba kin ia mir jingmut, kin pan ia ka jingai jingmut, bad ki lah ban kynthoh ha kaba ia dei bad ka State Reservation Policy.
Ha ka jingialang la shim ia ka rai ba kin pynlong ia ka jingsngappaidbah halor kane ka phang hapoh kane ka nongbah Shillong bad ha kiwei ki nognbah jong kiwei ki District ha ka jylla bad ha dien katta kin sa jingmut na ki paidbah ruh kum juh.
Kiwei ki dkhot jong ka kommittee kiba la don lang ha kane ka jingialang ki long u Justice (Retd.) Dr. Satish Chandra, Prof. D.V. Kumar, Prof. Chander Shekhar bad Prof. Subhadip Mukherjee. Ka jingialang jong kane ka kommitee kaba kyrpang kan ia shong biang ha u bnai Jymmang 2024.
