Shillong, Jymmang 26: Mynta ka sngi ka seng HANM kala phah da ka jingthoh sha u myntri rangbah ka jylla u Conrad K Sangma ban dawa na ka sorkar ban pynduh noh ia ka jingpynkyrpang ha iing ia kiba pang COVID-19.
Ha ka shithi ka ba la phah sha u myntri rangbah na ka liang jong ka HANM kala ong ba wat hapdeng ka jingkhangdam ki nongpang kila dang bun, kum ba ka paw na ki lat pathai khubor kito kiba shong pynkyrpang ha ki iing kim burom ia jingbthah jong ka sorkar bad ka HANM ka kynnoh ba dei kane ka ba la wanrah ia ka jingkiew kiba pang namar ha ka jylla.
Ka Seng HANM kala ong ba kiwei ki jylla kum ka Karnataka bad West Bengal ki pyndon kam ia ki madan kynjat ball ban buh jaka sumar Corona Shipor, ka sorkar Meghalaya ruh da ka leh ha kane ka rukom kan bhai shibun eh ban lait na ka jingpynsah ha iing ia kiba pang.
Ka HANM kala kynnoh ruh ba ka jingban bein ka sorkar ia ki nongrep lyngba ki pulit da ka ba khang lynti bad dain kuna ia ki nongrep haba ki wan ban die ia ki marrep sha Shillong, ka HANM ka buh ka jingkylli lada ki nongrep kim wan die sha Shillong shaei kin leit die.
Lada ki bor jong ka ain ki leh ha kane ka rukom da ei ki nongrep kin bsa ia ka iing ka sem bad lada ka sorkar kam iarap ia ia ki ka jingma ka ba ap dei na ka iap thngan ym na ka isp pang COVID-19. Ka HANM ka kyntu ia ka sorkar ban shim wai kham bun ki kali ban kiti ia ki marrep bad ka sorkar ka dei ban peit kyrpang ia ki nongrep ha kane ka porpor ba don kand ka khlam.
Haba ia dei bad ki nongbylla kiba wan na shabar ka seng ka dawa ba ka sorkar ka dei ban pynsangeh shi syndon ia kiba wan na shabar ia mynta shipor, ia ka memorandum la soi da u bahut Lamphrang Kharbani president bad u bah Wyraiwan Sohtun Assistant Secretary.
