Shillong, Jylliew 28: U Myntri rangbah ka jylla u Conrad K Sangma mynta ka sngi u la ong ba ka tnad kam poh iing jong ka sorkar pdeng ka kwah ban shuwa ka Ri India ka rakhe ia ka jingdap 75 nsem jong ka jinglaitluid jong ka Ri India dei ban pynbeit ia u pud u sam hapdeng ki jylla ka North East.
Haba kren halor u pud u sam u myntri rangbah la ong ba u la ia kynduh bad u myntri rangbah ka jylla Assam ban ia kren ia kane ka jingeh kaba la sah teng mynta la bun bun snem hapdng kine ki ar tylli ki jylla bad ka jingiakren halor kane kala iaid sha khmat, ha kaba shem kin sa ia kynduh.
U myntri rangbah ka jylla u Conrad u la pynkynmaw ba u myntri kam poh iing ka sorkar pdeng u Amit Shah u la ong ba lada ia ka jingiakajia pud bd ka Bangladesh la lah ban pynbeit, kan eh aiu ban ia pynbeit hapdeng ki jylla bad ka sorkar pdeng kala buh ia ka thong ban ia pynbeit shuwa ka 15 Nailar 2022 ba ka Ri Inda kan dap 75 snem jong ka jingioh lait luid.
U Myntri rangbah u la ong ba u ia ia kren bad ki myntri hapoh ka sorkar ia ka jingiakynduh jong u bad u myntri rangbah ka jylla Assam u Himanta Biswa Sharma ba ka sorkar kan shim ia ka sur u paidbah ha kane ka jingia pynbeit pud.
“Nga la dep kren ia u myntri rangbah ka jylla Assam bay m dei ban ia pynthud ha khappud katba katba ym pat lah ban ia pynbeit ia u pud u sam, nga la phah sageh a ka jingtei ha Saba bad ha Khanapara, ngi ia kren ia ka kam pud ym ba ia who dong hynrei ban ia pynbeit” la ong u myntri Rangbah.
La ong ba kan sa don ka jingiakynduh ki myntri rangbah ka dong shatei lam mih ngi baroh ha Shillong, kin don lang ki Chief Secretary, ki Director General ki pulit ha kane ka jingiakynduh ha Shillong, ka jingiakren kan long halor ki kam pynroi, ki kam lehnoh, ha u pud u sam.
Haba ia dei bad ka jingwan jong u myntri kam poh iing ka sorkar pdeng sha Shillong, la ong ba kala don ka jingpyntip tangba haduh mynta kam pat don ka jingphah da ka jingthoh sha ka sorkar jylla.
