Shillong, Nailar 04: Ka jing mih ha ki khatdiat sngi ba lah dep ha kaba ka la don ka jing ong ba ka jaka ba don ka jingia klumar ha Mahadev Khola ka hap ha ka jing peit jong ka dorbar shnong Lawsohtun
Mynta ka sngi ka 4 tarik u Nailar 2023 na ka liang ka dorbar shnong Lawsohtun ka la leit ban ia kynduh ia ka Deputy Commissioner ka East Khasi Hills District ka kong RM Kurbah ban pynshai sha ka ba ka Mahadev Khola kam dei ka ba hap ha u pud u sam ka shnong Lawsohtun
Haba kren sha ki ladpathai khubor na ka liang u rangbah shnong ka Lawsohtun u Bah Harrybirth Rynjah u la ong ba ia ka shnong Lawsohtun la ker tawiar ia pud u sam jong ka da ka wah umjasai baroh shilynter.
U la ong ruh haba rung ba mih sha ka shnong lawsohtun hap rung beit lynba ki jingkieng kiba don ha baroh ki pud sawdong jong ka shnong. Haba ia dei bad ka Mahadev Khola, u la ong ba ka don shabar jong ka wah, kaba hap ha ka jingpeit jingkmih ka tnad forest department ka dorkar jylla.
Shuh shuh u la ong ruh ba na ka liang ka DC kan sa shim khia ia katei ka mat bad shen kan sa shong pyrkhat bad ka Joint Committee jong ki, kumjuh ruh na ka liang jong ka DC, ka la ong ba lada donkam ban khot ia ka dorbar kan sa khot.