Shillong, Lber 12: U Myntri Rangbah ka Jylla U Conrad Sangma mynta ka sngi u la iathuh ba ha ka jingialang jong ka kabinet kila pdiang ia ka polisi kaba thymmai ha kaba ia dei bad ki kam karkhana ha ka jylla.
Haba kren ha ki lat pathai khubor la ong ba kane ka polisi kaba thymmai kan long kum shibynta ban kyntiew ia ka jylla ha ka ioh ka kot sha ka 10 billion dollar ha kine ki snem ban wan na ka liang ka sorkar Jylla hapoh ka jingialam u Conrad Sangma kum u myntri Rangbah ki la wan rah ia ka New Industrial Policy.
Na ka liang u Myntri rangbah u la ong ba kane ka policy ka long kum ka North East Industrial policy ka ba la wanrah dang shen da ka sorkar India. Ula ong ruh ba na ka liang ka sorkar kan wanrah da ka jingmyntoi kum ki jingmyntoi ia ki nongseng karkhana ha kane ka jylla.
Hapoh kane ka polisi kum ka jingiarap ia kaba seng, ka jingsiew ia ka sut, kawei pat ka thong jongkane ka polisi ka long ban iarap ia ki nong sengkam la jong ban wan rah ia ki mar jongki hapoh kane ka Jylla lyngba ka jingiarap ka sorkar ka lamang.
U la ong ruh ba Ka Industrial Meghalaya Agency ka long ban wan rah ia ki nongseng kam lajong sha ka jylla khnang ban lah ban pynurlong ia kane ka jingthmu na ka liang ka sorkar ka la wan rah da ka Industrial Investment policy.
U la ong ruh ba kane ka Policy kan ai jingiarap ruh ia ki local entrepreneur bad ki suppliers ha ka ba iadei bad ka jingthied ia ki raw Matterials ki ba pynmih na la ka jong ka jylla.
U la ong ruh ba kane ka policy ka don ar tylli ki jingthmu kawei ka long ban ai kam ai jam ia ki khunsamla ka jylla bad ka ba ar pat ka long ban pynshlur ia ki nongseng kam ka jylla.
Ha kane ka jingia lang jong ka kynhun myntri la wan rah ruh ha duh khyndai tylli ki mat jingiakren ki ba kynthup ia ka IT promotion Policy kane ka long ban pynmih kam ka ba lah ban ai kam ia ki samla.
kawei pat ka long ban shna ia ka Meghalaya Technological Park society kum ba long mynta ka jylla ka la don kawei ka technological Park ha ka ba ka bynta kaba ar jong kane ka technological park kaba yn pyndep ha u snem 2025 ha Tura.
