Shillong, Naiwieng 15: Ka seng CSWO kala pynrem jur ia ki briew kiba la don kti ha kaba shimnoh ia ka jingim jong kawei ka long kmie kaba na Sumer , ia kaba la lap ia ka met iap jong ka ha ka por mynstep na GS Road jan Ryndangbriew, kane ka dei ka kam leh don bor pyrshah ia ki kynnthei.
Na ka liang jong ka seng ka phah ruh ia ka khubor sngewlem sha kiba ha iing ha sem jong kane ka long kmie kaba la khlad noh bad sha ki khun kti, jong kane ka long kmie kaba la shah dkhot jubor ia ka jingim ha ka kti jong ki riew sniew.
Ha ka juh ka pork um ka seng kala ai ka jingkhublei kyrpang iaki pulit kiba la trei shitom ha kaba kila ioh ban rah ia u briew u ba ki subajur ba u lah ban don kti ha kane ka kam pyniap briew, kane baroh ka long da ka jingiatrei shitom ki pulit ka Mawlai, ki pulit ka Umiam, kiba ha iing bad ka dorbar shnong Sumer.
