Shillong, Jymmang 01: U National President jong ka seng National People’s Party (NPP) u Conrad K Sangma u ba dei ruh u myntri rangbah ka jylla mynta ka sngi u la ai khublei kyrpang ia ki paidbah jong ka 43-Williamnagar Constituency ha ka kyrteng jong ka party ha kaba kila pynjop don burom ia u kyrtong ka seng u Marcius Marak kumu MLA jong ki.
Na ka liang jong u myntri rangbah ha kane ka sngi u la pynpaw ia ka jingsngewnguh iaki paidbah kiba la ai ka jingshaniah ha ka seng NPP bad ka jingai nguh kaba kyrpang ka leit sha u trai nongbuh nongthaw u ba la wanrah ia kane ka jingjop na ka bynta ka party ban wanrah ia ka jingkylla ha ka jylla Meghalaya.
“Nga don ka jingshaniah ba ha ka jingialam jong u Marcuise kum u MLA jong kane ka jaka un sa lah ban trei kham bha na ka bynta ka jingdon kam jong ki paidbah, u Marcuise u la dei u dkhot jong ka party NPP la slem bha bad dei lyngba jong u ba ka party kala roi bad poi sha kane ka jingjop. Nga ai khublei ia baroh ki nongtrei jong ka party kiba la wanrah ia ka jingjop”.
U Conrad u la ong ruh ba kane ka jingjop kam burom kam leit sha tang ki paidbah jong ka Williamnagar hynrei ia kane ka jingjop la ai nam ai burom ha ka kyrteng jong u Purno A Sangma u kpa jong u uba la bam kwai ha dwar u Blei.
