Jowai, Jylliew 18: Ka Khasi Students’ Union Narpuh Circle hapoh ka jingialam u VicePresident u Samla Phanuel Tongper la leit ban jurip ia u surok NH-44myn ha ka 16/06/2014.Kane ka jingleit jurip ia u surok ka long halorka nongrim ba u Deputy Commissioner jong ka East Jaintia Hills Dist ula kular ia ki nongialam ka seng ba hapoh ka 9th June mynta u bnai la
kumno kumno ka sorkar kan leit ban maramot noh kloi ia une u surok sha
ki thain Narpuh namar la jur palat ka jingsniew kat haduh ba ym don
jaka shuh ia ki kali ban iaid.Ha kane ka jingia kynduh bad u DC myn ha
ka 28th May ’14 ryngkat ka jingiadon lang u Genl.Secy.ka KSU
JHDU(Streamly S Niangti)ka seng ka pynpaw ia ka jingsngewkhia halor ka
jingbymtreh ka sorkar ban maramot ia une u surok.
Hynrei na ka liang uDC U la kyrpad ia ka seng ban iai shah,da kaba u ong,’katne phi lahiai shah te nga ruh nga kular iaphi bad ia ki paidbah sngewbha ban iaishah hapoh ka 9 tarik ngan phah ia ki tiar ki tar(Machine/Roller)banmaramot noh ia u surok.Hynrei ha ka jingleit jurip ka seng dangshen lalap ba ki jingkular u DC kim ia hap satia.Ka sorkar ka leit banmaramot ia une u surok tangdep rukom,ym don roller,don tang ka JCB bad4 ne 5 ngut ki nongtrei.Kane ka jingleh ka sorkar ka pynbitar ia ka
seng bad ia ki paidbah.Ha ka jingshisha la dei ban maramot ia u surok.
kumba leh sha kiwei kiwei ki thain ha ka rukom kaba dei,hynrei sha ki
thain Narpuh pat la leh bymsuidniew tang ban pynbeij ia ki paidbah ba
lui lui.Ka jingwan i Magistrate EJHD(Kong D.Phawa)lem bad ki pulit myn
ha ka miet 5 tarik mynta u bnai ha Tongseng(Narpuh)lem bad ki 5 tylli
ki kali damper ba kit maw ha ki kynta pakhang surok jong ki 17 dorbar
shnong dong Namchiang da kaba i Magistrate i la kyrpad ia u Rangbah
shnong Tongseng ba dei ruh u Chairman ki 17 dorbar shnong jong ka dong
Namchiang ban weng noh ia ka jingiakhih da kaba i la pyni artad ia
kita ki kali damper ba kit maw ban maramot noh ia u surok.
U rangbahshnong bad ki paidbah ha ka jinglong lui lui u la pynbna paidbah ba la weng ia ka pakhang surok,namar ha ka jingshisha ka pakhang surok ka kut haduh 72 kynta ha ka step saitjain por 5 baje jong ka 7 tarik
mynta u bnai.Phewse kane ka long tang ka jingpynbeij paidbah,namar ka
jingmaramot ka long kum ia uto u surok ba iaid ki mrad khlaw ym kum u
surok ba iaid briew.Ka jingdheng kali ba man la ka sngi ka pyniam
kthang ia ki paidbah khamtam kito ki kali ambulance ba kit nongpang.Ka
jingmaramot ia u surok ka long tang da kaba shu pynhap najrong damper
hapdeng surok bad shu pynshna malu mala da ka JCB bad tang 4 ne 5 ngut
ki labours.Bad tang hadien 3 sngi kito ki maw ki mih biang shabar tang
ban iaid narud surok ruh ym nud shuh.Kane ka jingleh ka sorkar ka long
tang ka jingpynsyrwa kai ia ka 25 klur ka pisa ba la sanction khnang
na ka bynta ban pynbha surok.
Kane ka jinglong jingman u surok NH-44 ka long ka jingjah burom ba khraw ia ka Jylla Meghalaya bad ka pynhiararsut ia ka khaii ka pateng namar une u surok u long u thied snam jongka roi ka par.Lah ban pynkynmaw ba ha kine ki taiew ba la dep jong kajingiakhih ki 17 dorbar shnong jong ka dong Namchiang,ka KSU NarpuhCircle kam shym la pynmih khubor ban kyrshan ia kane ka jingiakhih kirangbah shnong lem bad ki paidbah namar ngim kwah ban long kum kilymbit mynta hooid bad lashai em.Namar ba u DC u la kular ban maramothapoh ka 9 tarik,ngi burom ia ka jingkular u DC.Ka jingialang paidbahjong ki 17 dorbar shnong jong ka dong Namchiang myn ha ka 28/05/2014ym shym la khot lang ia ngi sha katei ka jingialang.Jin lada ngin tipba ka jingialang paidbah ha katei ka sngi kan shim ka rai shisyndonban pynlong da ka jingiakhih kaba 72 kynta,ngin ym treh shuh ban ia
kynduh ia u DC.Ki paidbah kim dei ban sngewlyngngoh ia ka
jingbympynpaw pyrthei jong ngi ha ki kot khubor ban kyrshan ia ka
jingiakhih,hynrei ka seng hi ka ai jingkyrshan pura ia kane ka
jingiakhih wat la ym shym la pynpaw ha ki kot khubor namar kitei ki
daw ba la kdew haneng,hynrei ka thong trei kam ka long hi ka juh na ka
bynta u paidbah.Sa shisien ka seng kan leit ia kynduh ia u DC ban ai
por tang 5 sngi ban wanrah ia ki machine ne Roller ban maramot ia u
surok kumba leh sha ki thain Khliehriat,Lad Rymbai lym kumta ka seng
kan pynbna syndon da ka jingiakhih khlem buh por(Indefinite Strike ).(SP News)
