Shillong, Rymphang 18: U Myntri Rangbah ka jylla u Conrad K Sangma ba ialam ia kane ka sorkar khleh khawlang ka Meghalaya Democratic Alliance (MDA) mynta ka sngi u la ai kam ia saw ngut ki MLA na pdeng ki san ngut kiba la wan ban kyrshan ia ka sorkar.
Kine ki saw ngut ki MLA kiba la aikam da u myntri rangbah la ai ha ka kyrdan A+ kaba mut ha ka kyrdan myntri kabinet, u bah PT Sawkmie bad u bah Mohendro Rapsang kila shah thung kum Co-Chairman ha ka Meghalaya New and Renewable Energy Development Agency (MNREDA).
Katba u bah Mayralborn Syiem kum u Co-Chairman ka Meghalaya Industrial Development Corporation (MIDC) bad u bah Kimfa S. Marbaniang kum u co-chairman jong ka Meghalaya Government Construction Company (MGCC). Katba ia ka nongialam jong katei ka kynhun ka Kong Ampareen ym pat batei kam.
Ia ki MLA barim na Garo Hills u Limison D Sangma bad ia u Billykid A Sangma la thung ia ki kum ki Co-Chairman jong ka Meghalaya State Planning Board (MSPB) bad ia u . Dr. Raju Azad la thung kum u dkhot jong ka MSPB.
