Shillong, Lber 03: Ki paidbah nongleit nongwan sha Iewduh kila sngewkmen ban iohi ba ia ka surok na GS Road ban rung sha khlieh Iewduh la siangrong bad kane ka jingsiang rong la lah ban pyndep marshiteng bad mynta la sangeh ia ka jingsiangrong.
Haba kren ha u SP News Agency bun na ki nongniah kali kiba pynieng kali kaba don ha Khlieh Iewduh kila pynpaw ia ka jingkmen ban iohi bala sdang ban siang rong namar katei ka surok ka long kaba la sniew sha ba palat.
Hynrei kane ka jingsiangrong ha dienb a la dep marshiteng la sangeh bad ia ka daw ym lah ban tip, hynrei kaei kaba ki nongleit nongwan ki kwah la ka jingsiang rong ka dei na ka sorkar jylla ne ka ki shipai ba kin pyndep ia kane ka jingsiangrong.
Kaei kaba ki paidbah ki tip ka long ba katei ka surok ka dei kaba don kam namar ki mar ba wan sha bar ka jylla ban kit sha Iewduh khamtam ka dohkha bad ka pylleng ka wan lyngba katei ka surok ban rung sha iewduh hynrei ka surok ka long kaba sniew.
Ki kali kiba leit sha West Khasi Hills ki iing kali ha katei ka jaka bad ka jingsniew katei ka surok kala buh ia ki paidbah ha ka jingeh namar ha ka por slap kala long ka ahor ha kaba ka shitom bha ia iaid kjat ha katei ka jaka.
Ki paidbah ki angnud ba ka sorkar lane ki shipai ruh ba kin siang rong pyndep ia katei ka surok ha khlieh iewduh kaba la buh ia ki paidbah ha ka leit ka wan ha ka jingeh namar ba kala sniew sha ba palat.
