Shillong, August 11: Ki pulit jong ka Rynjah Traffic Branch kila ioh ban bat ia u Pynlambor Kharmawphlang ha kaba u la niah ia ka kali hapdeng ka jingbuaid bad na ka liang jong ki pulit kila pynngat ia u hapoh jong ka kyndon ain U/S 185 MV Act bad ia kane ka case la tian bishar da ka iing bishar jong ka Ld. Court jong u L. K. Kharshiing, Judicial Magistrate First Class, Shillong.
Ha dien ka jingbishar la rai pynrem ha kaba la dainkumno ar hajar tyngka bad kniehnoh ruh ia ka laisen niah kali bad la khang pyrshah ia u ban nym niah kali ha duh ka 9 tarik Rymphang 2017, ia ka laisen jng u la buh bad kibor jong ka ain.
Katba ka Lumdiengjri Traffic Branch kala ioh ban kem ia u Arch Angelo Syndor u ba la niah kali hapdeng ka jingbuaid ia kane ka kam ruh la phah sha iing bishar jong ka Ld. Court of Judicial Magistrate First Class, Shillong bad ha dien ba la bishar la lap ba u laniah kali ha pdeng ka jingbuiad kumta la knieh noh ia ka laisen jong u bad la khang ba un ioh kali haduh ka 8 tarik Rymphang 2017.
