Shillong, Jylliew 17: Ka Seng ki nongrep napoh jong ka Ri Bhoi District hapoh jong ka Lama Synroplang, mynta ka sngi kala leit ban ai ia ka jingujor sha u CEM jong ka KHADC ba ka Raid Sohkhwai bad ka hima Mylliem kala bthah ia ki nongrep ba kin pynthymmai ia ki jaka rep man ka lai snem ha ka ophis jong ka Raid.
Kane ka seng kala pyntip sha u CEM ba bun na ki jaka jong ki paidbah kila dep thied duh ia ki jaka hynrei kaba lyngngoh ka long ba ki hap ban pynthymmai man ka lai snem katkum ka rai kaba la mih na ka Riad bad ka Hima.Kum ka seng ki nongrep ki pyrshah jur ia kane ka jingleh jong ka Riad bad ka hima.
Haba ia dei bad kane na ka liang jong u CEM jong ka KHADC u la kular ba un sa shim khia ia kane ka kam ban peit bniah bad ban ia kren bad ki bor ba dei peit ia ka Raid bad ia ka Hima.(SP News)
