Shillong, Iaiong 29: Ban pynpaw ia ka jingbym lah jong ka sorkar ban pynbiang ia ka bor ding eletrik na ka bynta jong ki paidbah ka seng UDP mynta ka sngi kala sdang ia ka jingiakhih paidbah da kaba pynlong ia ka jingshong kyllain mungor ha jan Addational secretariat.
Ia kane ka jingshong kyllain mungor la ia lam da lai ngut ki MLA jong ka UDP, u Dr Jemono Mawthoh, Bah Embha Syiemlieh bad u Bah Titus Chyne, la don lang ruh ki MDC bad ki nongkit kam jong ka seng baroh kawei.
U Dr Jemino Mawthoh haba kren ha ki nongthoh khubor u la ong ba kane jingpynlip light ka dei na ka jingleh jong ka sorkar, namar kam shym la kit khia ia kane ka bynta, balei ka sorkar kam lah ban siew sha ka NEEPCO haba katei ka tand pynmih bor ding jong ka sorkar pdeng kala ai lad ban siew haduh arphew saw sin.
Haba ia dei bad kane ka kam pynmih bor ding na ka liang jong ka seng UDP kala kren ia kane ka bynta ym tang ha ki lad pathai khubor hynrei kala kren ruh hapoh ka iing dorbar hynrei kane ka sorkar kam shym leh ei ei ban shim khia bad kim don lad shuh da kumwei ka sah tang kane ka lad ban mih madan da ki nongmih khmat paidbah ban ia khih da ka lynti kaba jai jai.(SP News)
