Shillong, Iaiong 20: ka Deputy Commissioner jong ka East Khasi Hills District mynta ka sngi kala pynmih ia ka jingpynbna ba na ka daw jong ka jingshit palat la bthah ban khang ia baroh ki skul kiba don sawdong ka thain Dangngar kaba hap poh ka Mawsynram Block na ka bynta shitaiew.
Kane ka jingbthah na ka ophis ka Deputy Commissioner ka East Khasi Hills kan treikam naduh la shai ka sngi ka 21th Iaiong 2023, kane ka jingkhang kan long na ka bynta shitaiew lynter, ne haduh ban da pynbna da kumwei pat.
Haba ia dei bad ka District baroh kawei la bthah ia ki skul ba kin pynsangeh noh shuwa ia baroh ki jingialehkai ne ban pynlong kano kano kaba ki khynnah skul ki hap ban mih sha bar jong ka skul, ia kane ka jingbthah ban phah sangeh kan trei kam naduh la shai haduh ban da pyntip da kumwei pat.
