Shillong, Jymmang 16: Ar tylli ki jingkieng iaid kali kiba don ha poh jong ka South West Garo Hills District kawei ha Gopinathkilla bad kawei pat ha Bakdagre ha jan jong ka Mahendraganj kila shah rong ha ka um na ka daw jong ka jingjur palat jong u slap ha katei ka thain kaba la sdang naduh ka step sngi u Blei.
Namar ka jingshah rong noh jong kine ki ar tylli ki jingkieng ha ka jingshleium, ia ka surok ban Garobadha-Dalu (NH 51) bad ia ka surok Purakhasia-Mahendraganj na khang noh ia ki kali bannym shah iaid ban pynsted ia ka jingtrei ha kine ki ar jaka la ong u AEE, PWD (Roads), Mahendraganj Sub-Division.
Na ka liang jong u AEE u la ong ba ka daw jong ka jingkhang ia kane ka surok ka long ban pynstep kloi lan ban maramot ia kane ka surok na ka bynta ka jingsuk jong ki paidbah ha kine ki sngi khnang ba kan nym ktah ia la leit ka wan jong ki paidbah.
