Shillong, Iaiong 13: Ki pulit jong ka sardar police station kila ioh ia ka jingujor na u T.C Marak, Principal Chief Conservator of Forests, jong ka sorkar Meghalaya pyrshah ia kawei ka kot khubor phareng kaba mih na kane ka jylla Meghalaya namar kala kynnoh bad kdew kti ia u halor ka jingjah jong ki ar tylli ki file na secretariat.
Ha kane ka jingujor jong u PCCF u la ong ba kot khubor phareng kaba la mih na kane ka jylla Meghalaya kala kdew ia ka kyrteng jong u bad kynnoh ba u don bynta ha kaba pynjah ia ki ar tylli ki file na secretariat.
Haba ia dei bad kane na ka liang jong ki pulit kila shim ia kane ka jingujor bad shen kin sa pynlong ia ka jingthoh kit halor kane ka jingjia. Lah ban pynkynmaw na ka liang jong ka ophis napoh secretariat kila ai ka jingujor sha ki pulit ba ki jah ar tylli ki file kiba ia dei bad ka tand khlaw.
La ong ba kine ki ar tylli ki file kiba jah ki don ia ki jingthoh ha kaba ia dei bad ka jingkynnoh ba la pyndon bakla ia ka pisa kaba dei na ka Border Area na ka bynta ban pynbha ia ka Syndai Park kaba don ha West Jaintia Hills.(SP News)
