Shillong, Nailar 5: Ka Deputy Commissioner jong ka East Khasi Hills District kala pynmih ia ka jingpynbna ba ia ki dukan Xerox, ki dukan die tiar skul bad ki dukan Cyber kin plie man ka sngi haduh sngi Thohdieng namar ka jingmih ka reslot SSLC bad HSLC.
Ha ka jingpynbna kaba la pynmih da ka Deputy Commissioner, la ong ba la shah ia ki dukan Xerox bad dukan cyber ba kin plie ka long namar ba ki samla pule ki hap ban pyndap ia ki phom ban leit thep ban rung klas.
Kane ka jingplie ia kitei ki lait jait ki dukan kumba la kdew kan long naduh sngi Nyngkong haduh sngi Thohdieng tang haduh ban da pynbna da kumwei pat, ia kane ka jingpynbna la phah jingtip sha baroh ki Incident Commander bad ki Block Development Officer.
