Shillong, Rymphang 13: Hadien ka jingud jingnam jong ki paidbah nongleit nongwan lyngba katei ka surok nongstoin sha sohpian kaba dei kum ka jingkhangbah ban rung sha ka Sor Nongstoin kaba dei ka district Headquarters halor ka jingsuki bad pynslem jong u contractor ban shna ia katei ka surok.
Na ka liang jong ka seng HANM west khasi hills ha ka jing ialam jong u President bah Wills Sohshang ki la leit ban jurip ia katei ka surok bad ki la lap shisha ha ka jing suki ban trei na mar ha shi lynter ka tei ka surok la lap tang kumba 5 ngut ki nongtrei ki ba dang shna Guard wall bad kawei ka JCB kawei ka Dumper.
Ki nongialam ka seng HANM kila ioh ruh ban ia kren bad u kontraktor katei ka jingtrei lyngba ka telephone bad ka seng ka la kyntu ia u ban leh kham kloi ban phah kham bun ki nongtrei kham bun ki kali ban pyntrei ha kine ki sngi hi katba dang ailad ka mariang hynrei kan lap sa ka lyiur bad kan shem jingeh bad kan pynthud haduh katta ha ka leit ka wan lyngba kane ka surok.
Ha kane ka jingiakren na liang u kontraktor u la kular bad pdiang ia kitei ki jing ai jongmut jong ka seng ka seng ka pynpaw ia ka jing sngewnguh shi katdei eh ia ka sorkar lyngba u MLA ha kaba kila theh ia kum kitei ki kam pynroi ha ka thain hynrei ka kajuh ka por ka pynpaw ia ka jing bynniaw lada ka rukom pyntrei kan long ha kane ka rukom.
