Shillong, Jymmang 21: U Chief Executive Member jong ka KHADC u bah Titosstarwel Chyne mynta ka sngi u la phah da ka jingthoh sha u myntri rangbah ka jylla u Conrad K Sangma ha ka ba u la ujor ia ka jingwan tuid kyrthep nongbylla bar jylla ha kane ka por khangdam.
Ha ka shithi bala phah mynta ka sngi la ong ba u la ioh shibun ki jingujor hal or ka jingwan tuid ki nongbylla bar jylla sha ka jylla bad kane ka jingwan jong ki ha kum kane ka por kan long ka ba sep ei ha kane ka jingiakhun pyrshah ia ka khlam COVID-19COVID-19 bad kane kan pynpulom lut ia ka jingtrei shitom ka sorkar.
U CEM jong ka KHADC ha ka shithi u la ong ba ka sorkar ka dei ban bthah ia ki bor ba dei peit ban khanglat ia ka jingwan rung ki nongbylla bar jylla sha Meghalaya ha kum kane ka por ba dang don kane ka jingialeh pyrshah ia kane ka khlam COVID-19 la ong u bah Titosstarwel ha ka shithi bala phah sha u Myntri Rangbah ka Jylla.
