Shillong, Iaiong 26: Ka sorkar ka tip tyngkrein ba ka South Garo Hills ka dei ka jaka ba khlain bha ki seng lehnoh, hynrei ka sorkar kala pynduna ia ki pulit pahara ia u Deputy Commissioner jong ka South Garo Hills na ka saw ngut sa tang ar ngut da kaba ai dawa na ka daw jong ka MP Election.
U Deputy Commissioner jong ka South Garo Hills u Chinmoy Gotmore u la ong ba kane ka jingshah siat ha ki lehnoh ka dei kaba la da plan da ki seng lehnoh namar la khang kdong ia ka kali da ki ar tylli ki truck bad haba ki phai la siat beit ia ka kali kaba u shong.
U DC u la ong ba kane ka jingther kuli ia ka kali kaba u shong ka thew beit ia u kine ki briew ki iohi shai kdar ba ka dei ka kali kaba u shong namar ha katei ka por ba ki shah siat ym don kali da kawei pat lait tang ka kali jong u marwei.
Kane ka jingsiat ia u DC da ki lehnoh ka dei ka sien kaba ar, ha ka sien kaba nyngkong ka paw shai ba ki nonglute ki lute na ki trok, hynrei ha kane ka kynti kaba mynta pat kila da thew khnang ia u bad katei ka pot 8 baje mynmiet ka dei ka por ba ki nonglute ki juh lute ha katei ka jaka.
Haba ia dei bad ka jingbuh ia ki pulit ban pahara ia u la ong ba mynshuwa ki don saw ngut ki PSO hynrei la ai daw ba ka dei na ka election la shim noh ar ngut bad mynta ki don sa tang ar ngut ki PSO ba synran.(SP News)
