Shillong, Lber 05: Ka kynhun shipai suin jong ka Ri India kan pynlong ia ka pynher ban pyni paidbah ia ka Surya Kiran Aerobatic Team (SKAT) ha ka 8/3/2024 ha pung Umiam ha ka por 8.45 baje mynstep.
Ha katei ka sngi yn pyni ia shibun ki lieng suin thma jong ka Ri India bad ia ki Helicopter ki ban ia shim bynta ha kane ka jingpynher nam, ia kane ka kynhun la seng ha u snem 1996 bad kine ki dei ki kynhun kiba kyndiat eh kiba don ha ka pyrthei bad dei tang kane kaba don ha dewbah Asia.
Kane ka kynhun jong ki shipai suin ka Ri India kala dep ban pynlong kum kane ka jingpynher nam palat 500 sien ha India bad kum kane ka jingpyninam la pynlong ha China, Sri Lanka, Myanmar, Thailand, Singapore bad United Arba Emirate.
Aerobatic Team, ia kaba la tip paidbah kum ka SKAT, iaka ioh pateng ka phang pdeng “Sadaiva Sarvottam” kaba mut ki long barabor kiba tbit tam, kane ka jingpyninam kam dei tang ba ki pyni ia ka jingtbit jong ki nongniah liengsuin kan ai ka lat ruh ia ki paidbah ban peit ia ka jingtbit ki shipai suin ka Ri India.
Ka jingthmu jong kane ka jingpyninam ka long ban ai ia ka jingsngewthuh shaphang ki shipai suin bad ha ka juh ka por ban khring ia ki samla ban rung sha kane ka kynhun shipai suin bad kiwei kiwei ki kynhun shipai.
