Shillong, Jymmang 07: U Superintendent of Police ka East Khasi Hills, Shillong mynta ka sngi ka 6 tarik u Jymmang 2024 u la pynmih ia ka jingkyrpat ia ki paidbah ki ba iaid ba ieng na ka jingking dam Umiam ba kat ba ka jingmaramot ia kane ka jingkieng ka dang iaid shakhmat.
Naka liang u SP u Rituraj Ravi IPS u la kyrpat ia ki paidbah ba ki lah ban pyndon kam ia ka surok vip road na Mawroh ka ban poi sha Mawtawar sha Nongkhohlew, Mawsiatkhnam ka ban poi sha Shillong Airpot Umroi.
Ki paidbah ki lah ruh ban pyndon kam ia ka surok na Mawdiangdiang – Diengpasoh ka ba ki lah ban iaid na Nongmensong, NEIGRIHM, Tynring ka ban poi sha Diengpasoh Shillong Bypass.
Kane ka jingkyrpad ka long khnang ba ki paidbah kin lait na ka jingdheng kali bad kumjuh ruh ban kham pynsuk ia ka iaid ka ieng jongki paidbah. Kane ka hukum kan trei kam tang na ka bynta ki kali ki ba stieng.
