Shillong, Jymmang 09: Ka tnad khlaw jong ka 
sorkar mynta ka sngi kala pyntip paidbah ba kala buh ia ki phone number jong ki briew jong ka tnad khlaw ba lada don kino kino ki dieng kiba don jingma kiba lah ban khyllem bad kiba lah ban wanrah ia ka jingmynsaw ki lah ban phone sha ka tnad khlaw ban ot ia ki.
Ki number phone kiba ka tnad khlaw kala buh ba ki paidbah kilah ban phone ki long, u 9436999145, 9436998362 and 9436999139. Kane ka long katkum ka jingpyntip jong u Divisional Forest Officer, Khasi Hills (Territorial) Division, Shillong.
Kane ka jingpynmih jong ka tnad khlaw ia kine ki number ka long ba mynta ka sngi kala don ka jingkhyllem bun bah ki dieng ha kane ka nongbah Shillong, khamtam eh ha Mawlai.
