Shillong, Lber 08: Ban pynshai paidbah bad ban kyntiew ia ka jingpyndon kam ia u Aadhaar ha ka jylla ka ophis jong ka Unique Identification Authority of India (UIDAI) ka Regional ophis kaba don ha Guwahati mynta ka sngi kala pynlong ia ka jingialang ha nongbah Shillong ban pynshlur ia ki briew ban shon Aadhaar.
Haba kren ha kane ka jingialang u CmdeDhiraj Sareen u ba dei u Deputy Director General, UIDAI, Regional Office Guwahati la ong ba ka jingdon ia u Aadhaar ka long kum ka jingaibor bad ki jingioh kiba kyrpang naduh bala sdang ha u snem 2009.
La ong ba lyngba kane ka long ba u briew ba don sha ka jaka ba kyndong ruh da ka jingdon ia u Aadhaar kan pynlong ia u ban ioh ia ki jingmyntoi jong ka sorkar bad kane kan iarap ia ki briew ban ioh ia ki jingmyntoi ha ka jyla Meghalaya.
Ha ka jingkren jong u Dr. Shakil P. Ahammed Additional Chief Secretary ka jylla la ong ba ha Meghalaya ka sorkar kala pyndonkam ia u Aadhaar ban pynpoi ia ki jingiarap baroh sha ki dei ban ioh sha ki paidbah ia ki jingmyntoi kaba la tip kum ka Direct Benefit Transfer (DBT).
Ha ka jingkren jong u Dr. Joram Beda, Commissioner bad Secretary, jong ka sorkar Meghalaya la ong ba wat hapdeng ki jingeh kiba bun na ka daw jong ka jinglong ka jaka ki briew jong ka sorkar kim khien ia ki jingeh hynrei ki leit ban pynrung kyrteng ia ki briew ban ioh Aadhaar ia ki paidbah ha ka por ba biang.
U Kapil Jambhulkar, Director, UIDAI, Regional Office Guwahati u la kren halor ka jingwan ki briew sha khmat ban shon ia u Aadhaar ia kaba la pyntrei kam ia kane ka jignshon Aadhaar ha kane ka jylla lyngba ka tnad General Administration Department ka jylla Meghalata.
U Anshuman kamila, DBT Mission, jong ka sorkar India u la batai ia ka jingmyntoi kaba kila ioh na ka jingpyndon kam ia u Aadhaar ha kaba pynioh ia ki skhim sha ki nongioh da kaba pyndon kam ia ka Direct Benefit Transfer kaba la pynbha ia ka jingpynioh ia ki skhim sha ki paidbah kat kum ka ain kaba la don ha Aadhaar Act.
