Shillong, Rymphang 04: Bala thut palat ka jingiakhaii Mawshun na Meghalaya sha Bangladesh, ki nongthied mawshun na Bangladesh kilah ban sangeh noh bad leit noh sha Indonesia, ia kane la pynsngew da ki nongkhaii na Bangladesh sha ki exporter jong kane ka jylla Meghalaya.
Ka daw kaba ki la ai ka long, ka sorkar Meghalaya kam shym la shim khia ban pynbeit ia kane ka kam khaii Mawshun wat la ka iing bishar ba don burom ka Meghalaya High Court kala ai ia ka rai ban shah ban trei katkum ka rukom trei u ba rim, kane ka jingbym ioh ia u Mawshun na kane ka jylla kala ktah ia ki karkhana sha Bangladesh kiba shaniah ia u Mawshun na kane ka jylla.
Ka rukom tih mawshun ha kito kip or ka long ka jingtih mawshun ia kaba la prat lynti da u longshuwa manshuwa da baroh kiba kwah ban trei iaka ka kaba khot ka Trei mawshun kaba hyndai hynthai (Traditional system of Mining and Extraction). Kane ka jingtrei hyndai hynthai ka long daka bor met bad da kine ki tiar, kita ki long ki lyngka ,mohkhiew bad u tyrnem ba khia kumba 5 haduh 10 Kilo,u bakhor bad u ksai bakhor (blackgun powder and Fuse wire) bad u Ksai.
Iakine ki ar jait ki jingsiat la wanrah hi da kine ki nongkhaii maw na ri East Pakistan bad ym pat juh don laisen ha kito ki por (Exploisve License) kumba long mynta. Baroh ki ba kwah trei iakane ka rukom trei mawshun hyndai hynthai ki ialah ban trei namar ba ki tiar ki tar ba ki donkam ban trei ki long kiba tat bad kaba suk ban ioh bad ym kumba long mynta haka jinglut iaki tiar ki tar ka long daki lak bad ki Crore.
Iakane ka rukom trei tih mawshun la shem khamtam haki thain nongkyndong kiba don ha khappud bad ka ri Bangladesh. Ki briew ha kito ki thain ki im suk im sain ki bit ki biang ryngkat bad ka thung soh thung pai mynta ki por pat haba la sdang ki jingduh jingtroin bad jingktah ka thungsoh thung pai ki briew ki la sdang ban trei tih mawshun kaba long mynta ka jingtrei ba kongsan kaba ai jingim iaki.
Ka jingktah iaka jingthung soh thung pai ha kine ki thian khappud kala sdang haki snem 1954-55 bad shadien ba ki bri soh bri kwai ki la sdang troin bad kaba la ktah jur ia kito ki nongshong shnong ha ki thain khappud. Dakane ka jingktah kala pynlong iaki nongshong shnong hakito ki thain ban trei iaki jingtrei tih mawshun kaba hyndai hynthai ia kaba mynta ka Meghalaya High Court kala shah sngewbha ban nang iai trei.
La shem ba ka rukom trei bad tih mawshun mynta bad ka jingshalan ia une u mar hadien bala tih ka long ba hap ban da iaid lyngba shibun ki rule ki ain ia kiba la wanrah bad pyntreikam daka sorkar jylla naka por sha ka por ia kaba la wanrah shibun ki jingeh ki jing kordit khamtam ia kito ki ba trei ha kine ki thain khappud bad ia ki bym don ia ka jingnang jingstad. Teng teng ki briew kila hap ban buh pleader riewsain naka bynta ban leh iakine ki jingdonkam haki kot ki sla katkum kita I rule regulation ia kiba ki la pyntrei da ki ain kiba bun syrtap katkum ki hukum jong ka sorkar jylla.
Ha kane ka rukom kito ki nongtrei kiba trei iaki jaidkam kiba rit ba ria ki shem jingeh shibun mynta ia kane ka rukom tih mawshun bad jintrei jingktah iaune u mar poh khyndew kala pynlong iaki ban iehnoh namar ba la bun syrtap eh kita ki ain ki kanun jong ka sorkar jylla iakiba la pyntreikam na kwei ka por sha kawei pat. Kane ka jingwan ki ain ki kanun ba thymmai iakine ki rukom jingtrei kala wanrah ki jingduna haka jingpynmih iaune u mar poh khyndew haka jaka ban nang bun shuh shuh katba nang wan ki por. Ka jingdonkam mynta ia une u mar ka long kaba bun katba ka jingpynmih ia u ka long kaba duna.
Haka juh ka rukom ki jingmyntoi bad ki jingmih naka jingtrei ia une u marpoh khyndew kiba wan sha ka sorkar jylla sha ki briew Bad sha ki nongshong shnong ruh ka la nang duna bad hiar. Ka jingkhmih lynti jong u nongshong shnong khamtam hakito ki thain ka long ba iaka sorkar ladawa bad kyntu ba dei ban pyrkhat bad shimkhia ban plie iaki lad ki lynti naka bynta ban pynduna ia ki jingeh bad jingjynjar kaba kito ki nongshong shnong ki iakynduh jingeh haka trei ka ktah bad ka ioh ka kot khamtam iakito ki briew kiba don hakithain khappud bad iaka jylla hi baroh kawei.
Hakine ki khyndiat taiew kine ki nong khaii na ri Bangladesh kiba shim ia une u mar poh khyndew na ki nongkhaii india ki la ong ha ki nongkhaii na India ba lada ka don a jingthut bad ka jingdkoh sha ba palat kumba ka long mynta ia kane ka kam khaii Mawshun na kane ka jylla Meghalaya, ka sorkar Bangladesh kan phai khmat noh sha kiwei ki rib a shithi jong ka dewbah Asia ban thied mawshun kum na ka Ri Indonesia,Singgapore,Malaysia, Java,Saiam,Sumatra bad kiwei kiwei ki ri ba marjan namar kane ka jingbymioh ia u Mawshun na Meghalaya ka ktah ia ki karkhana hapoh ka Ri Bangladesh.
Lada kane ka jingthmu jong ka sorkar Bangladesh ka treikam baroh kawei baroh shilynter ki thain khappud bad ka ri Bangladesh kaba ka jingtrei kaba ai jingim kum ka jingtih mawshun kan ktah jur bad shikatdei eh iakito ki nongshongshnong khamtam haki thain khappud bad ka ri Bangladesh. Kumta bad namar kata la kwah bad la kyntu iaka sorkar jylla bad iaka sorkar jong ka ri india ban pyrkhat bad shimkhia iakane ka kam iap kam im naka bynta ki nonghsong shnong kiba im dkane ka jingtrei hakito ki thian kham kloi lem katba lah ba kata ka jingthmu jong ka sorkar Bangladesh kan ym urlong.
Kane ka shong pat haka jingshim khia bad leh kloi jong ka sorkar jylla bad ka sorkar india naka bynta ban shim khia iaka iap ka im kaban ktah iaki nonghsong shnong haki thain khappud. Haki jingthoh haki kotkhubor bala pynmih shen la shem ba ka sorkar jylla bad sorkar india ki ia pyrkhat ban nang pynbha bad nang pynkhlain iaka jingiadei kaba jan bad iadei paralok bha haka liang khamtam haka khaii pateng bad ka ri Bangladesh bad ruh bad kiewi kiwei ki ri ba marjan.
Iakane hi u chief minister jong ka sorkar jylla u DR Mukul Sangma u la iai ban iakane ka jingdonkam ban iajan bad ia bha hka jingiadei ki kam khaii pate ng hapdeng kine ki artylli ki ri nangne shakhmat. Te mynta kaba kyrkieh ka jingkyntu iaka sorkar jylla bad sorkar india ka long ban leh kloi iakine ki kam khaii pateng bad ka ri Bangladesh khnang ba ki nongshongshnong ki ba shong haki thain khappud kiba ioh jingim nakane ka jingtrei parmawshun kiba im bad ioh jingmyntoi naka jingkhaii ia une u mar ban leh kloi lan mardor khlem da buh por shuh.
