Shillong, Nailar 01: Ka taiew kyrpang ban rakhe ia ka jingaibuin ia ki khunlung la rakhe mynta ka sngi ha kane ka nongbah Shillong, ha ka jingkren jong u Director ka tnad Social Welfare u Bah HM Shangpliang kum u kongsan u la ong ba ka long kaba kongsan ia ki kmie ba kin ai ai buin hynriew lynter ia ki khun ba kin ioh ia ka jingkoit jingkhiah kaba biang.
Ha ka juh ka por, u Bah Shangpliang u la kren diaw ban tip ba ha kane ka por kaba mynta bun ki kmie ki kiar ban ai buin ia ki khun ba dang kha tip na kaei ka daw. Hynrei ka buin jong ka kmie ka dei ka jingbam kaba bha tam ban pynlong ia i khunlung ban shait ban khlain. U kyntu ia ki nongtrei kiba dei ha kane ka liang ba kin pynsngewthuh ia ki briew ha kane ka bynta ban ai buin ia ki khun.
Na ka liang jong u Director u la ong ba ki nongtrei kiba dei bad ki long kmie kiba dang kha dang pun ba kin pynsngewthuh ba ki don kam ia ki jingbam kiba tei ia ka met ha ka por ba ki dang pun. La ong ba ka jingaibuin ia ki khun ka pynduna ruh ia ka jingkhlad jong ki khunlung. U khot u wer ia baroh ban ia treilang ha kane ka bynta ban ioh ia ka pateng kaba koit ba khiah.
Ka khubor kaba la phah da ka N Munish Singh Chairperson Regional Director, Indian Council ba dei ia ka riti dustur jong ka tnad korbar ri jong ka sorkar pdeng kala ong ba ka long kaba don kam ia ki long kmie ba kin ai buin ia ki khun namat tang ka jingbam kam lah ban ai jingkhlain ia ki khunlung.
