Shillong, Rymphang 08: Mynta ka sngi kawei ka kali kit umphniang kala tynrah na dien ia kawei pat ka kali kit umphniang kaba iaid ha khmat jong ka ha Shillong By-pass ha Diengpasoh ha kane ka jingjia u nongniah jong ka kalit kit umphniang kaba na dien kala mynsaw bad la pynkit sha NEIGRIHMS ban phah sumar.
U Mansing Gorkhali u ba la 59 snem ka rta u la mynsaw ha kaba kawei ka kali kala tynrah a u katba u dang iaid ha surok jong ka shnong Umsamlem, la kit ia u sha Umsning CHC ban phah sumar.
Kawei ka kali Maruti Van kaba don ia u number ML04A – 0235 kaba mih na Mukhla ban leit sha War Jaintia kala kylla ha rait jong ka Myntdu kaba hap hapoh jong ka West Jaintia Hills District, u Gavinson Sunar 25 snem u ba niah ia kane ka kali bad u bah Free Sunar u ba shong ha kane ka kali kila mynsaw bad ia ki la pynkit sha Dr. Norman Tunnel Hospital ha Jowai.
Kawei ka kali Alto 800 kala wan tynrah ia kawei ka taxi kaba dang ieng ha ruh jong ka surok katba dang pynhiar ia ki nongshong kali bad kane kala jia ha ka shnong Ladthalaboh ha Jowai ha kane ka jingjia u nongniah ia ka taxi u la mynsaw. Ia kine kiba mynsaw baroh la pynkit da ka kali Ambulance 108.
