Shillong, Lber 04: Mynta ka sngi ki nongtrei ASHA ha kane ka jylla Meghalaya na kylleng ki bynta jong ka jylla kila wan sha Shillong ban ia shim bynta ha ka jingiaid paidbah ban dawa na ka sorkar ban pynkiew ia ka ba trei na kaba ki ioh mynta.
Kane ka jingiaid paidbah mynta ka sngi da ki ASHA kala sdang na MTC ha khyndailat sha DC ophis noh sha Lachumiere bad poi sha Madan Malki, ha kane ka jingiaid paidbah kila rah ia ki jignthoh ban pynpaw ia ka jingdawa ka jong ki na ka sorkar.
Ki jingdawa kaba ki nongtrei ASHA kila dawa ka long ban pynkiew ia kabai nongtrei ban pynkiew na ka T.300/- tyngka sha ka T.500/- tyngka, bad ia ka jingsiew kaba T.2500/- tyngka dei ban pynkiew noh.
La dawa ruh ba ka sorkar ka dei ban siew noh ia ki jingsiew kiba dang sah kaba kidei ban ioh ha kaba ia dei bad ka jingtrei bad ki kam COVID-19 kaba la shah naduh u snem 2021 kaba ka sorkar kam pat sniew haduh mynta.
Ha kane ka sngi ki nongtrei ASHA kiba la wan ban ia shim bynta kam dei tang ki nongtrei ASHA hynrei la ia shim bynta da baroh naduh Garo Hills bad khasi Hills kane ka jingiaid paidbah ka long ban pynpaw sha ka sorkar ba ki kwah ba ka sorkar kan pynkiew noh ia ka bai trei jong ki.
