Shillong, Nailur 30: Kong Victoria Marwein president jong ka Greater Iewduh Welafre Association (GIWA) kala pynpaw ia ka jingsngewnguh ia u myntri rangbah ka jylla u Dr Mukul Sangma u ba la wan ban iuhkjat ha iewduh bad ki don ka jingkyrmen ba da ka jingwan u myntri rangbah kan don ka jinglylla ha ka iewduh.
Da kane ka jingwan ka jong u ban ia kren bad ki nongiew ka long ka sien kaba nyngkong eh ba, ki nongiew ki ioh ban pynsngew ha u myntri rangbah ka jylla ia ki jingeh kaba ki ia kynduh ha Iewduh bad ki don ka jingkyrmen ba kan don ka jingkylla ha kine ki snem ban wan.
Katkum ka jingkynaw jong ki la ong ba kane ka long ka sien kaba nyngkong eh ba u myntri rangbah ka jylla un wan ban ia kynduh ia ki nongiew ban kylli ia ki nongrep, ban kylli ia ki nongshong iew bad kane ka long ka dak ka shin ba kane ka iew kan sa don ka jinglylla ha kip or ban sa wan, kum ka seng ka pynpaw ia ka jingsngewnguh ia u myntri rangbah.
Ka kong Marwein, kala ong ba na ka liang jong u Syiem ba mynta ruh u la ia leh katba lah ban wanrah ia ka jingkhuid jingsuba hapoh ka iew kahat bad ban peit ia ka jingkylluid jong ka iew ha ka iaid ka ieng jong ki paidbah.
