Jowai, Nailur 07: Ka Wahiajer Mission Centre Khasi Jaintia Presbyterian (WMC) Synod Mihngi kaba kynthup ia ki saw tylli ki Prsbytery kum shi bynta ban iarap ia ki ba duk ka la leit ban noh synniang da ki jain Blanket sha ki longiing baduk ba basah khunswet ha ka shnong Nongjngi kaba hap hapoh ka West Jaintia Hills District.
Ha shwa ban sam ia kine ki Blanket la don ka jingialang kaba la pyniaid da u Rev. F.S. Lipon uba long ruh ui Chairman ka WMC bad la ioh ruh ia ka jingkren lyngkot na u Rangbah shnong Nongjngi, Tbn S. Tyngkra, Tbn H.B. Dan, Rev. L.Manner Field Secretary WMC.
U Rev. L.Manner haba kren u la pynpaw ia ka jingsngew nguh ia u Blei, uba la ialam lynti ia kane ka Centre na ka por sha ka por ha ki kam bapher bapher ki jong ka, u la pynpaw ka jingaikhublei kyrpang ruh ia u ma S.Suting uba long u nongiarap ban pynioh ia kine ki blanket ha kaba ka WMC ka la ioh ban ai jingiarap ia ki para mynsiem kiba shem shitom bad kumjuh ruh ia ki para mynsiem ki bym pat pdiang ia u nongpynim u Jisu Khrist, u la ai khublei ia ka shnong Nongjngi bad kum juh ruh ia ka Balang Nongjngi ia ka jing iatreilang jong ki.
