Shillong, Naiwieng 25: Mynta ka sngi da ki spah ngut ki briew kila ia mih paidbah ban ia shim bynta ha ka jingiaid ba jar ba jar ban pyrshah ia ka jingshah leh bein jong ki kynthei ha kane ka jylla Meghalaya, wat la ka dei ka jylla kaba ong ba burom ia ki irew kynthei.
Kane ka jingiaid paidbah kala sdang na Youth Hostel bad kila iai iaid ter ter haduh ban da poi sha madan iew rynhep ha Nongthymmai. Ha kane ka jingiaid paidbah la pyndon don kam da ki dongmusa ban tbeh jingshai ban pynpaw ia ka jingpyrshah ia ka jingshah leh bein ki kynthei ha kine ki sngi.
Ha kane ka jingiaid paidbah, la rah ruh ia ki jingthoh ha ki placard bad kawei na kita ki placard kala thoh shai b aka jingleh bein ia ki kynthei ka dei ka jingleh bein ia ka jaidbynriew. Ha kane ka sngi bun na ki samla bad rangbah kila ia mih ban pynrem ia kito ki briew kiba la leh bein ia ki riew kynthei. Ia kane ka jingiaid paidbah la lam khmat da ka kynthun kaba la tip kum ka ‘Suport Group for women’.
