Shillong, Naiweng 23: U kyrtong jong ka seng Congress u ba la dep ban pynbna ban ia khun ia kane ka elelction mdc shiteng samoi na Laban- Mawprem Constituency u Bah Moon Lyngdoh u la ong ba la kyrpad ia u da u myntri rangbah ka jylla u Dr Mukul Sangma bad u MPCC president u bah DD Lapang ban nym ia leh shuh ia kane ka elelction MDC ha ka 13 tarik Nohprah u dang ia syllok mynta bad ki nongkyrshan bad u lah ban ia khun noh kum u kyrtong shimet.
Haba kren ha u SP News Agency lyngba ka phone u la u Bah Lyngdoh, u la ong ba “ Ki nongkyrshan jong nga mynta ki kynt u ia nga ban ia khun noh ia kane ka election MDC shiteng samoi na ka Laban-Mawprem Constituency kum u kyrtong shimet, hynrei mynta nga dang don ka por ban ia phylliew jingmut bad ki nongkyrshan jong nga lada nga hap ban ia khun ia kane ka election”.
U Bah Lyngdoh u la iathuh ba ia kane ka rai ban nym ia khun shuh ia kane ka election wat la ia ka kyrteng jong u la dep ban pynbna la shim ha ka jingialang kaba la long ha iing jong u Bah DD Lapang presidentjong ka MPCC ha ka 16 tarik mynta u bnai bad la bthah ba kin ia kyrshan ia u kyrtong ka NCP namar ka NCP ka ia treilang hapoh jong ka sorkar.
U Bah Lyngdoh u la ong ba “ mynta ngi dang don saw sngi ka por ban ia pyrkhat la kin ia khun ne em ha kane ka election MDC, u la ong lada nga hap ban ia khun ia kane ka MDC election ha kane ka kynti kaa mynta ngan ia khun kum u kyrtong shimet”. La ong ba ka jingiamir jingmut ka dang iaid mynta.
