Shillong, Kyllalengkot 03: Ha ka jingialang kaba la khot da ka CSWO bad ka Tura mynta ka sngi kila ia mir jingmut ha kaba ia dei bad ka jingkhaii met ia ki khynnah kiba dang rit ka rta da ki nongmih khmat paidbah da kaba pyndon kam ia ki iing basa ia kaba la pyniaid da ki ba ha iing jong u myntri kam poh iing ka jylla. Ha ka jingialang kiba la ia poi da bun ki paidbah kila shim ia ka rai ba kin pynlong ia ka jingialang paidbah ha ka 11 tarik mynta u bnai ban pyrshah ia kum kine ki kam poh jait.
Ka jingialang kaba la long mynta ka sngi kila dawa ba u myntri kam poh iing jong ka jylla u Bah HDR Lyngdoh u dei ban hiar shuki mar dor ban pynlong ia ka jingtohkit kaba khuid, u myntri rangbah ka jylla u dei ban shim ia ka jingkit khlieh ha kaba ia dei bad kane ka jingjia kumba la kynnoh ba la leh da ki MLA jong ka sorkar MUA.
Kane ka jingialang ka dawa ruh ba dei ban pyntrei kami a ka ain POCSO Act 2012 ryngkat bad ka ain ha kaba ia dei bad ki kam runar jong ka Criminal Law Amendment Act 2013 ban pynthikna b aka jingtohkit ka dei ban iaid sha khmat bad lada don mano mano ba mushlia ha ka jingtohit dei ban pynshitom.
Baroh ki iing basa kiba la jer kyrteng da ka khynnah kaba la shah leh beijot la ki dei jong ka sorkar ne jong ki riew shimet ruh dei ban khang noh shisyndon bad ia ka NOC kaba la ai sha ki dei ban pynduhnoh.
Ha kaba ia dei bad u Bah Julius Dorphang dei ban ai jingtip sha baroh ki jylla jong ka Ri India bad ban wad sha ei u don , ka long ka ei kaei kaba ym lah ban mud dur ba u MLA un shu jah bad u shongknor jong ka iing dorbar u dei ban leh ei ei ha kaba ia dei bad kane ka kam.
Ka State Commission for Protection of Child rights ka dei ban don ia ka hot line telephone ba ki briew kin ioh ban ujor mar dor haba ka don kano kano ka jingshah khaii met ia ki khynnah, baroh ki iing basa ha kane ka jylla ki dei ban but ia ki kyndon .Haba ia dei bad ki kam jngohkai pyrthei bad ki kam ai jinghikai ha ki kam dei ban bishar bniah biang sa shisien na ka liang jong ka sorkar.
