Shillong,Iaiong 02: Ka FKJGP Mawsynram Circle ka pynpaw iaka jingsngewnoh mynsiem kaba khraw bad ka jingsngew diaw hakaba iadei bad ki kynrum kynram kiba jia hapoh ka CHC Mawsynram kaba la pynduh thia duh dem iaki ba bun ba lang haba ioh sngew iaka jingud jongki Nongtrei jongkatei ka CHC kumjuh ruh nakaliang jongki Paitbah.Kaei kaba la pynkylla long iaka Seng ban tuklar iakatei ka Kam kalong namar ba ka iatyngkhuh bad ka iap ka im jong ki paitbah,nakaliang ka Seng kala ngam bad tih bniah bha iaki jingeh kiba mih paw shabar la kalong iaki Nongpang ne ki Staff ruh kumjuh.
Ka Seng khlem da pynslem ban tem iaka jingeh ha katei ka CHC kala phah daka Report sha Sorkar Jylla ban khmih bniah bad bishar iaki kynrum kynram kiba la mih. Kaei kaba phyla ka long watla naka liang ka Seng hadien baka la dawa ia ka enquiry report ban bishar bniah bad pynbeit iaki kynrum kynram hapoh katei ka CHC hynrei ym shym iohi kano kano kadak ka shin ba kan urlong hynrei la shu iohsngew narum naneng iaka jingwan hiar na kaliang jongka District Medical & Health Officer (DMHO) East Khasi Hills shapoh katei ka CHC.
Kaba sngewsih ka long ba hadien bala ki la tip iaki jingshisha baroh ki sngew sammut ba kat ki heh sorkar kin dang don ka mynsiem khyllung khynnah da kaba yn leh shiliang khmat kat ia kakam iap kam im jongu paitbah bad ki sngewthuh shai ba naka liang jongka DMHO kala klet noh ban rah ia baroh ar tylli ki tarajur hakatei ka sngi bad la hap ban ong ba karah tang shiliang ka klet noh shiliang, te kumno yn bishar ryntih iakakam lada khlem don ka jingthew kaba ia ryngkat bad biang pura bad kalong kaba sngewdiaw haba ngi iohsngew iaka jingbym sngap shuh jongkatei ka briew sorkar wat iaka sur kaba mih hakatei ka sngi. Kane kalong kaei kaei kaba pynsuba jur iaka Seng ba kadon kaei kaei sha lyndet jongki kynrum kynram kiba jia hapoh katei ka CHC
Watla hadien ba ka seng kala iakynduh iaki briew jongka sorkar ban pan iaka jingshai halor kane ka kam hynrei ym shym iohi satia iaka dak ka shin kaba shai bad la mih pynban ka jingkynnoh iaka Seng ba kadei tang ka jinglehbiet ba khlem nongrim.Ka Seng ka pynpaw mynta ba lada iaka jingeh jongngi u paitbah hapoh nongkyndong yn kham sngewthuh bad iohi shai da u ba shong ba sah ne ba shong haka shuki ha Shillong te kan myntoi aiu shuh wat ia ki Seng ba ki dang treikam ha katei ka jaka. Na kaliang ka Seng ka pynpaw iaka jingsngewsih ban iohi ba nakaliang jong ka Sorkar barabor ka iada iala ki jong ki briew wat lada tip eh ba kileh iaka bymdei.
Ka Seng FKJGP kam kwah da lei lei ruh ban pynlong iakatei ka CHC kum ka karkhana shna pisa namar ngila ioh sngew ia shibun ki jingud hakaba iadei bad ka jingleh jongu u doctor incharge uba bat mynta iaka kam kum u Medical & Health Officer jongkatei ka CHC Dr.Habamut Lyngdoh, ka jingbuh jong u (Dr.H.Lyngdoh) iaka Private Clinic hapoh ka campus jongka CHC kalong kaei kaei kaba nakaliang jongu tei u doctor ula pynkhein lypa iaki kyndon ain jongka Indian Medical Prescription rules for Govt. Doctors bad hato la une u Doctor (Dr.H.Lyngdoh) ba buh iakane ka Clinic ula dep ne em ban register iakatei ka clinic katkum ki kyndon jong ka Clinical Establishments (Registration and Regulation) Rules, 2010 bad lada ba kam long kumta dei ban pynshitom katkum ki kyndon jongka Indian Medical Council Act 1956 bad kumno nakaliang jongka sorkar kam tuklar eiei iakatei ka kam wat hadien bala tip pynlein naduh mynshuwa bakalong shisha. Kan dang myntoi aiu shuh ban dang buh hospital sorkar haba ki doctor ba don hangtei ruh ki dang nud ban seng saka Private Clinic hato ka Sorkar kamju pynbiang tharai iaka tulop jongki ne ioh lehse dei namar ba kadon ka jing ia sam bynta lang bad ka Sorkar iaka pisa ba kamai naki Clinic, kane baroh kam jia tang hapoh Mawsynram hynrei wat hapoh sor bad khap sor ruh kumjuh ka jia ba ki doctor sorkar kim ju kham ai ka service kaba biang haki hospital sorkar ki kham pynleit jingmut iala ki Clinic lajong namar ka Seng kala ju ioh sngew bunsien iaki jingjia haki hospital sorkar kiba don ha Sor Shillong khamtam eh hapoh Ganesh Das Hospital kaba don hapoh Lawmali Shillong.
Haba ngi bishar katkum ka guidelines jongka Indian Public Health Standard ka Mawsynram CHC kadei kawei napdeng ki hospital sorkar kaba dang don shibun ki jingduna ha ki liang baroh ka thong kaba hakhmat eh jong ka National Rural Health Mission (NRHM) jongka sorkar jylla kalong ban pynbit pynbiang iaki jingeh bad jingdonkam kiba kum ki hospital ki iakynduh hynrei haba ngiphai pat shapoh ka Mawsynram CHC ngi iohi tang ki jingduna suda laka long hakaliang ka Manpower ne kata ka jingdon ki nongtrei hakaba iadei bad ka jingbym don ki Doctor specialist kum ki Surgery, Obstetrics, Pediatrics, Gyneacologist, ENT, Ayush kala wanrah ia shibun ki jingeh kumba kalong mynta namar ngi iohi ba kidon tang ki Doctor General Mediciner bad nakaliang jong kine ki doctor badon hangtei ha CHC ki leh ia baroh ki jait kam bad ka jingwan buh jongka Sorkar Jylla iaka Ultrasound Machine bad ka X-Ray Machine khlem da pyntreikam ei ei ruh em kala long kawei naki dak ki shin kiba paw kum ka jingpynsepei iaka Pisa tyngka jongu Paidbah, ka jingkylli kaba mih mynta kalong ba “ Shano ka Lawei jongka koit ka khiah lada ioh iaki bor Sorkar ki bymdon ka jingkitklieh sha ki thain nongkyndong, hato ka jingim jongu paitbah hapoh nongkyndong kan iapher aiu naka jingim jongu paitbah ba shong ha sor. Kine baroh ki mih dei nakadaw ba ka Sorkar kam don ka Jingkitkhlieh shaki thain nongkyndong,dei tad haduh ba ki Seng Bhalang kin da iakhih sa kyndit bynriew.
Kumta ka Seng ka buh iaka jing dawa kaba jur sha ki bor Sorkar ban pynbiang iakatei ka CHC kumba ka long katkum ki jingdonkam haba iadei bad ka jingiaid jong ka por namar ka jingim bad ka jingiap kalong hi kumjuh la ha sor ne nongkyndong ruh.Ka Sorkar kadei ruh ban buh noh iaka Standards for Newborn Stabilization Unit ne ka jaka sumar kyrpang iaki khunlung ba dang shu kha, dei ruh ban pyntreikam iaka MTP facilities for second trimester pregnancy kaba la buh kyrpang daka sorkar India hakaba iadei bad ka Family Planning Scheme, dei ruh ban buh noh shi syndon iaka Integrated Councelling and Testing Centre(ICTC) bad ka Blood Storage and link Anti Retroviral Therapy Centre hapoh ka Mawsynram CHC namar ngitip shai ba kine baroh kilong ki bynta kiba kham donkam eh hakane ka juk kaba mynta hakaba iadei bad ka koit ka khiah laka long ia uba duk ne uba riewspah ruh kumjuh, Ka jingai iaka Birth & Death Certificate hakatei ka hospital kadei banlong hakapor kaba biang, ka jingdonkam kalong ruh hakaba iadei bad ka jingpynpoi ryntih iaki dawai dashin hakatei ka hospital, dei ruh ban pynbiang ryntih ia baroh iaki jingmang kyrpang naka sorkar lyngba ka NRHM katkum ki programme bapher bapher kumka jingpyntreikam iaka JSY, JSSK, MHIS, School Health Programme bad kiwei kiwei, ka jingpyntreikam iaka Ambulance kadei banlong katkum ka Ambulance Health Services rules bad kiwei kiwei pat ki programme kiba nakaliang ka sorkar kmie kala mang kyrpang ia u paidbah ym ba kanleit shaka pla jongno re jongno bad kaba khatduh eh kalong ba dei ban buh iaka Routine bad Emergency Care haka OPD bad IPD service kaba dei ban long beit 24×7 kynta namar lah ruh ban ong ba lehse kajingbym don ka jingkitkhlieh nakaliang ka Sorkar ban buh kum kitei ki service ka pynlong iaki doctor hapoh katei ka CHC ban pyniaid iew iala kijong ki dawai naki Clinic jongki.
Ka Seng ka pynpaw sa shisien shaka Sorkar ba dei ban weng noh shisyndon ia U Dr.Habamut Lyngdoh kum u Medical & Health Officer na katei ka CHC namar kam don shuh ka jingshaniah naki ba bun balang kat dang mih ki sngi kipor namar ka Seng ruh kala ioh shibun ki jing ujor pyrshah ia utei u doctor bad ruh ka Seng ka dawa ba dei ban pynbiang iakatei ka CHC katkum ki jingdonkam bala kdew nakaliang jongka Seng bad ruh ka seng ka pynpaw ba ka sorkar kamdei ban bishar shiliang ia kano kano ka kam ne wat ban iashah shiliang iala ki jong ki briew dei ban snagp ruh iaka sur kaba mih na U Paidbah bad lada jia ba nakaliang jongka Sorkar kam leh ei ei halor katei ka kam ka Seng kam banse ban shim sada kiwei pat ki lad jingiakhih pyrshah iakatei ka kam, la ong ka FKJGP Mawsynram ha ka jingpnylait khubor ka jong ka.(SP News)
