Shillong, July 03: Ka seng samla pule ka Garo Student Union kala phah ia ka jingdawa sha ka Garo Hills Progressive alliance kaba bat ia ka bor synshar hapoh jong ka Garo Hills Autonomous District Council(GHADC) ba dei ban weng noh ia ki ar ngut ki MDC na ka kam chairman kaba la thung ia ki hapoh jong ka District council.
Kane ka long katkum ka jingthoh kaba la phah da u additional general secretary jong kane ka seng samla pule u Balrang Raka Ch momin, u la pynrem jur ia kane ka jingle jong ka kynhun kaba synsahr hapoh jong ka GHADC ban thung ia u S.G Esmature Mominin MDC jong ka shyamnagar constituency kum u chairman hapoh jong ka planning bad ia u Sofior Rehaman jong ka Balachanda constituency kum u chairman jong ka Bakkjai, sub- committee.
U President jong ka GSU, u Tensang Momin haba kren ha u SP News Agency, u la ong ba katkum ka jinglap jong ka GSU dei tang ha Garo Hills Autonomous District Council ba ki bym dei garo ruh ki long MDC, katba kiwei ki District Council kum ka KHADC bad JHADC kiba long MDC dei tang ki trai shnong, kane ka long kum juh wat ha ka jylla Assam.
Naka liang jong ka GSU shen kan sa leit ban ia kynduh ia u CEM jong ka GHADC ban dawa na u ba ia ki bym dei ki Garo ym dei ban ai kam ei ei hapoh jong ka GHADC, la ong ba kane kam dei ka jingdawa tang jong ka GSU hynrei kiwei ki seng kiba bun na Garo Hills ruh ki don ka juh ka jingsngew.