Nongstoin, Jymmang 10: Ki nongialam jong ka HANC Langshonthiang Unit ha ka sngi ba ar ki la leit ban iakynduh ia u JE ba dei peit ia ka surok PMGSY Umdang (Riangwar) – Jaiaw (0 – 14km) ban wad jingtip ha kaba iadei bad Kane ka surok.
Haba iakren bad ki nongthoh khubor, na ka liang u Vice President Bah NR Daju bad u Bah Kedy Mawsor dkhot ka EC jong ka Unit, ki la iathuh ba katkum ka jingiakynduh mynta ka sngi na ka liang u JE ba dei peit ia kane ka surok, u la iathuh ba ka Consultancy ka la dep ban phah ia ka DPR sha ka tnad PWD Department.
Ula iathuh ruh ba ka ka Department ka la dep pdiang ia ka DPR bad la phah Sha ka sorkar ban ioh jingmynjur (approve) ia katei ka surok.
Na ka liang jong HANC Unit, kala kyrpad ia ka sorkar ba kan pdiang bad mang pisa noh kham kloi ia katei ka surok namar Kane ka thain kaba Don kumba 9tylli ki shnong bad palat hajar ki nongshong Shnong bad kam pat Don surok haduh mynta.
Kumba ka long mynta ha kane ka thain lah poi tang ki truck kit dieng, bad ki truck ruh ki lah ban iaid tang ha ka por tlang namar ka Don tang ka surok kit dieng ba naduh mynshuwa.
La kyrpad ia ka sorkar ban mang pisa noh ia Kane ka surok kaba hap ha ka scheme PMGSY khnang ba ki paidbah ka thain kin suk ha ka leit ka wan ka kit ka bah bad ha baroh ki liang. Ha Kane ka sngi la iadonlang ruh Bah Ricky Sohlang u President ka HANC Sengkmie. La pynkut ka kyrwoh na u Vice President.
