Ranikor, Risaw 19: Ka KSU Ranikor Circle ka la dawa na ka Sorkar bad ka MeECL ba dei ban pynpoi light noh sha ka shnong Photeitsim ka shnong kaba don tang katto katne kilometre eiei na Ranikor, South West Khasi Hills District.
Kane ka shnong ka dei kawei naki shnong ba la kham rim haka Thain, ka la ioh bor shnong na u Syiem Maharam naduh u snem 1996 bad ka la rung ruh haka Census naduh u snem 2001. Mynta kane ka shnong ka la don palat 30 bad jan dap 200 ngut ki nongshong shnong hynrei ngi sngewsih ba haduh mynta ka dei kawei naki shnong ba shah lehbein tam la ka long ka u nongmihkhmat ka Ranikor Constituency u M. M Dango ne ha ki bor Sorkar.
Naka liang jong ka Seng, ngi la iakynduh bunsien iaki bor ba hakhlieh jongka MeECL hynrei sngewsih pat ba haduh mynta kam pat don ka jingsdang iaka kam watla ka la don ka jingwan jurip da ki nongtrei jong kane ka tnad. Naka liang jong ngi ngi la ioh ban iakren ha kine ki sngi ia u Chief Engineer jong kane ka tnad, ngi la banjur ba ki paitbah ki la angnud palat ban ioh bording electric khnang ban ia long lem kumba long kiwei ki shnong hapoh ka thain bad ha ka jingiakren u la Kular ban pyndep iaki jingdonkam khnang ba yn ioh sdang ia ka jingtrei hashwa ban kut Une u snem.
Ka Seng ka kyntu ia kane ka tnad ba ka dei ban shimkhia ia kane ka mat ba ka bynta ka jingmyntoi jongki paitbah Kane ka thain. Ym tang Katta, ngin iai bud dien ruh Halor Kane ka jingdawa khlem shongthait naka liang ka Seng bad Lada ka jingiaishah kam seisoh ngim banse ban hap pyrkhat noh da kumwei pat bad daki sienjam ba tyngeh naka liang jongngi. Ka kyrwoh na u Samla Marconi Thongni, President, KSU Ranikor Circle
